ਨਕਸ਼ੱਤਰ ਰਾਸ਼ੀਫਲ 2025

ਨਕਸ਼ੱਤਰ ਰਾਸ਼ੀਫਲ 2025 ਵਿੱਚ ਅਸੀਂ ਤੁਹਾਨੂੰ ਨਕਸ਼ੱਤਰਾਂ ਦੇ ਆਧਾਰ ’ਤੇ ਭਵਿੱਖਫਲ ਬਾਰੇ ਦੱਸਾਂਗੇ। ਇਸ ਵਿੱਚ ਤੁਸੀਂ ਜਾਣੋਗੇ ਕਿ ਨਕਸ਼ੱਤਰਾਂ ਦੇ ਆਧਾਰ ’ਤੇ ਆਉਣ ਵਾਲਾ ਨਵਾਂ ਸਾਲ ਤੁਹਾਡੇ ਲਈ ਕਿੰਨਾ ਖਾਸ ਅਤੇ ਯਾਦਗਾਰ ਰਹੇਗਾ। ਜੋਤਿਸ਼ ਵਿੱਦਿਆ ਦੇ ਅਨੁਸਾਰ ਗ੍ਰਹਿ-ਨਕਸ਼ੱਤਰਾਂ ਦੀ ਬਦਲਦੀ ਚਾਲ ਦੇ ਆਧਾਰ ’ਤੇ ਰਾਸ਼ੀਫਲ ਦੀ ਗਿਣਤੀ ਕੀਤੀ ਜਾਂਦੀ ਹੈ। ਵੈਦਿਕ ਜੋਤਿਸ਼ ਵਿੱਚ ਨਕਸ਼ੱਤਰਾਂ ਨੂੰ ਬਹੁਤ ਹੀ ਮਹੱਤਵਪੂਰਣ ਸਥਾਨ ਦਿੱਤਾ ਗਿਆ ਹੈ। ਤਾਂ ਆਓ ਜਾਣੀਏ ਕਿ ਨਕਸ਼ੱਤਰਾਂ ਦੀ ਚਾਲ ਅਤੇ ਸਥਿਤੀ ਦੇ ਆਧਾਰ ’ਤੇ ਤੁਹਾਡਾ ਆਉਣ ਵਾਲਾ ਸਮਾਂ ਕਿਹੋ-ਜਿਹਾ ਰਹੇਗਾ।

ਅੰਗਰੇਜ਼ੀ ਵਿੱਚ ਪੜ੍ਹੋ: Nakshatra Horoscope 2025

ਜੀਵਨ ਦੀਆਂ ਵੱਖ-ਵੱਖ ਤਰ੍ਹਾਂ ਦੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਓਣ ਲਈ ਕਰੋ ਵਿਦਵਾਨ ਜੋਤਸ਼ੀਆਂ ਨਾਲ਼ ਫ਼ੋਨ ‘ਤੇ ਗੱਲ

ਨਕਸ਼ੱਤਰਾਂ ਦੇ ਅਨੁਸਾਰ ਤੁਹਾਡਾ ਰਾਸ਼ੀਫਲ

ਅਸ਼ਵਨੀ ਨਕਸ਼ੱਤਰ

ਅਸ਼ਵਨੀ ਨਕਸ਼ੱਤਰ ਰਾਸ਼ੀ ਚੱਕਰ ਦਾ ਪਹਿਲਾ ਨਕਸ਼ੱਤਰ ਹੈ, ਅਤੇ ਇਹ ਮੇਖ਼ ਰਾਸ਼ੀ ਵਿੱਚ 0 ਅੰਸ਼ ਤੋਂ 13:20 ਅੰਸ਼ ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ ਅਸ਼ਵ, ਅਰਥਾਤ ਘੋੜਾ ਹੈ। ਅਸ਼ਵਨੀ ਨਕਸ਼ੱਤਰ ਦੇ ਦੇਵਤਾ ਅਸ਼ਵਨੀ ਕੁਮਾਰ ਹਨ, ਜੋ ਦੇਵਤਿਆਂ ਦੇ ਡਾਕਟਰ ਮੰਨੇ ਜਾਂਦੇ ਹਨ। ਇਸ ਨਕਸ਼ੱਤਰ ਦੇ ਸੁਆਮੀ ਗ੍ਰਹਿ ਕੇਤੂ ਹਨ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਅਸ਼ਵਨੀ ਜਾਤਕਾਂ ਦੇ ਲਈ ਸਾਲ ਦੀ ਪਹਿਲੀ ਛੇ ਮਹੀਨੇ ਦੀ ਮਿਆਦ, ਅਰਥਾਤ ਮਈ ਦੇ ਮੱਧ ਤੱਕ, ਤੁਹਾਡਾ ਧਿਆਨ ਆਪਣੀਆਂ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ਅਤੇ ਵਿਰੋਧੀਆਂ ’ਤੇ ਕਾਬੂ ਪਾਓਣ ਵੱਲ ਰਹੇਗਾ। ਹਾਲਾਂਕਿ, ਇਹ ਮਿਆਦ ਤੁਹਾਡੀ ਸਿਹਤ ਲਈ ਜ਼ਿਆਦਾ ਅਨੁਕੂਲ ਨਹੀਂ ਲੱਗ ਰਹੀ। ਤੁਹਾਨੂੰ ਅਪੈਂਡਿਸਾਇਟਿਸ, ਚੋਟ ਜਾਂ ਹਾਦਸੇ ਕਾਰਨ ਅਚਾਨਕ ਸਰਜਰੀ ਕਰਵਾਓਣੀ ਪੈ ਸਕਦੀ ਹੈ। ਇਸ ਕਾਰਨ ਤੁਹਾਡੇ ਖਰਚੇ ਵੀ ਵੱਧ ਸਕਦੇ ਹਨ।

हिंदी में पढ़ने के लिए यहाँ क्लिक करें: नक्षत्र राशिफल 2025

ਨਕਸ਼ੱਤਰ ਰਾਸ਼ੀਫਲ ਦੇ ਮੁਤਾਬਕ, ਤੁਹਾਡਾ ਆਪਣੇ ਮਾਮੇ ਨਾਲ ਝਗੜਾ ਹੋ ਸਕਦਾ ਹੈ ਜਾਂ ਉਨ੍ਹਾਂ ਨੂੰ ਗੰਭੀਰ ਸਿਹਤ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸਾਲ ਦੇ ਦੂਜੇ ਭਾਗ ਵਿੱਚ, ਅਰਥਾਤ ਮਈ ਤੋਂ ਬਾਅਦ, ਇਸ ਨਕਸ਼ੱਤਰ ਦੇ ਵਿਦਿਆਰਥੀਆਂ ਨੂੰ ਆਪਣੀ ਪੜਾਈ ’ਤੇ ਧਿਆਨ ਕੇਂਦਰਿਤ ਕਰਨ ਵਿੱਚ ਮੁਸ਼ਕਲਾਂ ਆ ਸਕਦੀਆਂ ਹਨ।

ਪ੍ਰੇਮ ਜੀਵਨ ਬਾਰੇ ਗੱਲ ਕੀਤੀ ਜਾਵੇ, ਤਾਂ ਤੁਹਾਡਾ ਆਪਣੇ ਸਾਥੀ ਦੇ ਨਾਲ ਰਿਸ਼ਤਾ ਮਜ਼ਬੂਤ ਰਹੇਗਾ। ਹਾਲਾਂਕਿ, ਜਿਹੜੇ ਲੋਕ ਆਪਣੇ ਰਿਸ਼ਤੇ ਦੇ ਪ੍ਰਤੀ ਇਮਾਨਦਾਰ ਨਹੀਂ ਹਨ, ਉਹ ਅਲੱਗ ਹੋ ਸਕਦੇ ਹਨ। ਪ੍ਰੇਮੀਆਂ ਦੇ ਲਈ ਇਹ ਸਮਾਂ ਚੁਣੌਤੀਪੂਰਨ ਹੋ ਸਕਦਾ ਹੈ। ਇਸ ਦੌਰਾਨ ਮਾਪਿਆਂ ਲਈ ਵੀ ਆਪਣੇ ਬੱਚਿਆਂ ਦੇ ਪ੍ਰਤੀ ਆਪਣੀਆਂ ਭਾਵਨਾਵਾਂ ਅਤੇ ਪਿਆਰ ਪ੍ਰਗਟ ਕਰਨ ਵਿੱਚ ਮੁਸ਼ਕਲਾਂ ਹੋ ਸਕਦੀਆਂ ਹਨ, ਜਿਸ ਕਰਕੇ ਬੱਚਿਆਂ ਨਾਲ ਬਹਿਸ ਜਾਂ ਵਿਚਾਰਾਂ ਵਿੱਚ ਅੰਤਰ ਹੋ ਸਕਦਾ ਹੈ।

ਇਹ ਵੀ ਪੜ੍ਹੋ: राशिफल 2025

ਭਰਣੀ ਨਕਸ਼ੱਤਰ

ਭਰਣੀ ਨਕਸ਼ੱਤਰ ਮੇਖ਼ ਰਾਸ਼ੀ ਵਿੱਚ 13.20 ਅੰਸ਼ ਤੋਂ 26.50 ਅੰਸ਼ ਤੱਕ ਰਹਿੰਦਾ ਹੈ। ਇਸ ਨਕਸ਼ੱਤਰ ਦਾ ਪ੍ਰਤੀਕ ਚਿੰਨ੍ਹ ‘ਹਾਥੀ’ ਹੈ, ਅਤੇ ਇਹ ਯੋਨੀ ਵਰਗਾ ਲੱਗਦਾ ਹੈ। ਇਸ ਦੇ ਦੇਵਤਾ ਯਮ ਹਨ, ਜੋ ਮੌਤ ਦੇ ਦੇਵਤਾ ਹਨ, ਅਤੇ ਇਸ ਨਕਸ਼ੱਤਰ ਦੇ ਸੁਆਮੀ ਗ੍ਰਹਿ ਸ਼ੁੱਕਰ ਹਨ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਲੋਕਾਂ ਨਾਲ ਮਿਲਣ-ਜੁਲਣ, ਪਾਰਟੀਆਂ ਕਰਨ ਅਤੇ ਭੌਤਿਕਵਾਦੀ ਇੱਛਾਵਾਂ ਵਿੱਚ ਤੁਹਾਡੀ ਦਿਲਚਸਪੀ ਘੱਟ ਹੋ ਸਕਦੀ ਹੈ, ਕਿਉਂਕਿ ਤੁਹਾਡਾ ਰੁਝਾਨ ਆਧਿਆਤਮਿਕ ਗਤਿਵਿਧੀਆਂ ਵੱਲ ਜ਼ਿਆਦਾ ਰਹੇਗਾ। ਤੁਸੀਂ ਧਿਆਨ ਕਰਨ, ਯੋਗ ਅਭਿਆਸ ਕਰਨ ਅਤੇ ਇਕਾਂਤ ਦੀ ਭਾਲ ਕਰਨ ਲਈ ਇੱਛੁਕ ਹੋਵੋਗੇ। ਹਾਲਾਂਕਿ, ਜੇਕਰ ਤੁਹਾਡੀ ਸਿਹਤ ਠੀਕ ਹਾਲਤ ਵਿੱਚ ਨਹੀਂ ਹੈ ਜਾਂ ਤੁਹਾਡੀ ਦਸ਼ਾ ਪ੍ਰਤੀਕੂਲ ਹੈ, ਤਾਂ ਇਸ ਗੱਲ ਦੀ ਸੰਭਾਵਨਾ ਬਹੁਤ ਜ਼ਿਆਦਾ ਹੈ ਕਿ ਮਈ ਤੱਕ ਤੁਹਾਨੂੰ ਹਸਪਤਾਲ ਵਿੱਚ ਦਾਖਲ ਹੋਣ ਜਾਂ ਵਾਰ-ਵਾਰ ਡਾਕਟਰ ਕੋਲ਼ ਜਾਣ ਦੀ ਲੋੜ ਪੈ ਸਕਦੀ ਹੈ।

ਸਕਾਰਾਤਮਕ ਪੱਖ ਇਹ ਹੈ ਕਿ ਤੁਸੀਂ ਵਿਦੇਸ਼ ਯਾਤਰਾ ’ਤੇ ਜਾ ਸਕਦੇ ਹੋ ਜਾਂ ਆਪਣੇ ਲਈ ਸ਼ਾਨਦਾਰ ਯਾਤਰਾ ਦੀ ਯੋਜਨਾ ਬਣਾ ਸਕਦੇ ਹੋ। ਹਾਲਾਂਕਿ, ਇਸ ਦੌਰਾਨ ਤੁਹਾਡੇ ਖਰਚੇ ਅਤੇ ਕਰਜ਼ੇ ਵਧਣ ਦੀ ਸੰਭਾਵਨਾ ਹੈ। ਮਈ ਤੋਂ ਬਾਅਦ ਹਾਲਾਤ ਬਿਹਤਰ ਹੋਣੇ ਸ਼ੁਰੂ ਹੋਣਗੇ। ਜੂਨ, ਜੁਲਾਈ, ਅਗਸਤ ਅਤੇ ਸਤੰਬਰ ਦੇ ਮੱਧ ਤੱਕ, ਤੁਹਾਡਾ ਧਿਆਨ ਆਪਣੇ-ਆਪ, ਆਪਣੇ ਪਰਿਵਾਰ, ਆਪਣੀ ਬੱਚਤ ਅਤੇ ਆਪਣੇ ਘਰੇਲੂ ਜੀਵਨ ਵੱਲ ਰਹੇਗਾ। ਤੁਸੀਂ ਆਪਣੇ ਘਰ ਦੇ ਮੈਂਬਰਾਂ ਦੇ ਲਈ ਮਹਿੰਗੀ ਕਾਰ ਜਾਂ ਹੋਰ ਲਗਜ਼ਰੀ ਸਮਾਨ ਖਰੀਦ ਸਕਦੇ ਹੋ।

ਪ੍ਰੇਮ ਜੀਵਨ ਦੀ ਗੱਲ ਕੀਤੀ ਜਾਵੇ, ਤਾਂ ਅਕਤੂਬਰ ਮਹੀਨੇ ਵਿੱਚ ਪ੍ਰੇਮੀਆਂ ਨੂੰ ਆਪਣੇ ਸਾਥੀ ਦੇ ਨਾਲ ਘਮੰਡ ਦੇ ਟਕਰਾਅ ਦੇ ਕਾਰਨ ਸੰਘਰਸ਼ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਾਲਾਂਕਿ, ਅੰਤ ਵਿੱਚ ਇੱਕ-ਦੂਜੇ ਦੇ ਲਈ ਤੁਹਾਡੀਆਂ ਭਾਵਨਾਵਾਂ ਹੋਰ ਮਜ਼ਬੂਤ ਹੋਣਗੀਆਂ। ਨਵੰਬਰ ਤੱਕ ਭਰਣੀ ਨਕਸ਼ੱਤਰ ਦੇ ਕੁਝ ਜਾਤਕ ਵਿਆਹ ਕਰਨ ਦਾ ਫੈਸਲਾ ਵੀ ਕਰ ਸਕਦੇ ਹਨ। ਜੇਕਰ ਤੁਸੀਂ ਕੁਆਰੇ ਹੋ, ਤਾਂ ਤੁਸੀਂ ਆਪਣੇ ਜੀਵਨ ਸਾਥੀ ਨੂੰ ਮਿਲਣ ਲਈ ਉਤਸੁਕ ਹੋ ਸਕਦੇ ਹੋ, ਜਦ ਕਿ ਸ਼ਾਦੀਸ਼ੁਦਾ ਜਾਤਕ ਆਪਣੇ ਸਾਥੀ ਦੇ ਨਾਲ ਪਿਆਰ ਭਰਿਆ ਸਮਾਂ ਬਿਤਾਉਣਗੇ।

ਸਾਲ ਦੇ ਅੰਤ ਵਿੱਚ ਹਾਲਾਤ ਆਮ ਤੌਰ ’ਤੇ ਅਨੁਕੂਲ ਰਹਿਣਗੇ, ਪਰ ਤੁਹਾਨੂੰ ਆਪਣੀ ਸਿਹਤ ਦਾ ਧਿਆਨ ਰੱਖਣਾ ਪਵੇਗਾ।

ਕ੍ਰਿਤਿਕਾ ਨਕਸ਼ੱਤਰ

ਕ੍ਰਿਤਿਕਾ ਨਕਸ਼ੱਤਰ ਦਾ ਵਿਸਥਾਰ ਮੇਖ਼ ਅਤੇ ਬ੍ਰਿਸ਼ਭ ਰਾਸ਼ੀ ਵਿੱਚ 26.60 ਅੰਸ਼ (ਮੇਖ਼) ਤੋਂ ਲੈ ਕੇ 10 ਅੰਸ਼ (ਬ੍ਰਿਸ਼ਭ) ਤੱਕ ਰਹਿੰਦਾ ਹੈ। ਕ੍ਰਿਤਿਕਾ ਨਕਸ਼ੱਤਰ ਦਾ ਪ੍ਰਤੀਕ ਚਿੰਨ੍ਹ ਕੁਹਾੜੀ, ਚਾਕੂ ਜਾਂ ਜੁਆਲਾ ਹੈ। ਇਸ ਨਕਸ਼ੱਤਰ ਦੇ ਦੇਵਤਾ ਅਗਨੀ ਦੇਵ ਹਨ। ਅਗਨੀ ਦੇਵ ਹਿੰਦੂ ਧਰਮ ਵਿੱਚ ਅੱਗ ਦੇ ਦੇਵਤਾ ਮੰਨੇ ਜਾਂਦੇ ਹਨ ਅਤੇ ਇਸ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਸੂਰਜ ਹੈ।

ਕ੍ਰਿਤਿਕਾ ਨਕਸ਼ੱਤਰ ਵਾਲੇ ਜਾਤਕ ਇਸ ਸਾਲ ਆਪਣੇ ਪੇਸ਼ੇਵਰ ਜੀਵਨ ’ਤੇ ਜ਼ਿਆਦਾ ਧਿਆਨ ਦੇਣਗੇ। ਇਸ ਸਮੇਂ ਦੇ ਤੁਸੀਂ ਆਪਣੇ ਕਾਰਜ-ਖੇਤਰ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰੋਗੇ ਅਤੇ ਆਪਣੀ ਮਿਹਨਤ ਦੇ ਲਈ ਪ੍ਰਸ਼ੰਸਾ ਪ੍ਰਾਪਤ ਕਰੋਗੇ। ਇਸ ਤੋਂ ਇਲਾਵਾ, ਤੁਹਾਨੂੰ ਤਰੱਕੀ ਜਾਂ ਕੋਈ ਵੱਡਾ ਪ੍ਰੋਜੈਕਟ ਮਿਲ ਸਕਦਾ ਹੈ, ਜੋ ਤੁਹਾਡੇ ਹੁਨਰਾਂ ਨੂੰ ਨਿਖਾਰਣ ਅਤੇ ਆਪਣੇ ਖੇਤਰ ਵਿੱਚ ਸਫਲਤਾ ਪ੍ਰਾਪਤ ਕਰਨ ਵਿੱਚ ਮੱਦਦਗਾਰ ਸਿੱਧ ਹੋਵੇਗਾ। ਸਹਿਕਰਮੀਆਂ ਅਤੇ ਸੀਨੀਅਰ ਅਧਿਕਾਰੀਆਂ ਦੇ ਨਾਲ ਚੰਗੇ ਸਬੰਧ ਤੁਹਾਡੇ ਕਾਰਜ-ਖੇਤਰ ਦੇ ਮਾਹੌਲ ਨੂੰ ਸਕਾਰਾਤਮਕ ਬਣਾਓਣਗੇ, ਜਿਸ ਕਾਰਨ ਤੁਸੀਂ ਆਪਣੇ ਟੀਚਿਆਂ ਨੂੰ ਪ੍ਰਾਪਤ ਕਰਨ ਵਿੱਚ ਸਫਲ ਹੋਵੋਗੇ।

ਮਾਰਚ ਦੇ ਮਹੀਨੇ ਵਿੱਚ ਤੁਹਾਡੇ ਖਰਚੇ ਵੱਧ ਸਕਦੇ ਹਨ। ਅਜਿਹੇ ਵਿੱਚ, ਤੁਹਾਨੂੰ ਆਪਣੀ ਆਰਥਿਕ ਸਥਿਤੀ ਵਿੱਚ ਸੁਧਾਰ ਕਰਨ ਲਈ ਇੱਕ ਬਜਟ ਬਣਾ ਕੇ ਚਲਣ ਦੀ ਲੋੜ ਹੋਵੇਗੀ। ਅਪ੍ਰੈਲ ਅਤੇ ਮਈ ਦੇ ਮਹੀਨਿਆਂ ਦੇ ਦੌਰਾਨ ਤੁਸੀਂ ਆਤਮ ਵਿਸ਼ਵਾਸ ਨਾਲ ਭਰਪੂਰ ਮਹਿਸੂਸ ਕਰੋਗੇ। ਇਨ੍ਹਾਂ ਮਹੀਨਿਆਂ ਵਿੱਚ ਤੁਹਾਡਾ ਧਿਆਨ ਘਰੇਲੂ ਜੀਵਨ ਵੱਲ ਕੇਂਦਰਿਤ ਰਹੇਗਾ। ਇਸ ਵਿੱਚ ਜੀਵਨ ਦੀ ਗੁਣਵੱਤਾ ਨੂੰ ਬਿਹਤਰ ਬਣਾਉਣਾ, ਆਪਣੀਆਂ ਬੱਚਤਾਂ ਵਧਾਉਣਾ, ਘਰ ਬਣਾਉਣਾ ਅਤੇ ਪਰਿਵਾਰਕ ਸਬੰਧਾਂ ਨੂੰ ਮਜ਼ਬੂਤ ਕਰਨਾ ਸ਼ਾਮਲ ਹੋ ਸਕਦਾ ਹੈ। ਸਤੰਬਰ ਦਾ ਮਹੀਨਾ ਸਰਕਾਰੀ ਜਾਂ ਪ੍ਰਤੀਯੋਗਿਤਾ ਪ੍ਰੀਖਿਆ ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਦੇ ਲਈ ਬਹੁਤ ਅਨੁਕੂਲ ਸਮਾਂ ਰਹੇਗਾ। ਸ਼ਾਦੀਸ਼ੁਦਾ ਜਾਤਕਾਂ ਨੂੰ ਸਮਝ ਅਤੇ ਸੰਤੁਲਨ ਦੀ ਘਾਟ ਦੇ ਕਾਰਨ ਆਪਣੇ ਰਿਸ਼ਤਿਆਂ ਵਿੱਚ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਜਿਸ ਨਾਲ ਬਹਿਸ ਜਾਂ ਵਾਦ-ਵਿਵਾਦ ਹੋ ਸਕਦੇ ਹਨ।

ਕੁੰਡਲੀ ਵਿੱਚ ਹੈ ਰਾਜਯੋਗ? ਰਾਜਯੋਗ ਰਿਪੋਰਟ ਤੋਂ ਮਿਲੇਗਾ ਜਵਾਬ

ਰੋਹਣੀ ਨਕਸ਼ੱਤਰ

ਰੋਹਣੀ ਨਕਸ਼ੱਤਰ ਦਾ ਵਿਸਥਾਰ ਬ੍ਰਿਸ਼ਭ ਰਾਸ਼ੀ ਵਿੱਚ 10.1 ਅੰਸ਼ ਤੋਂ 23.2 ਅੰਸ਼ ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਰੱਥ’ ਹੈ ਅਤੇ ਇਸ ਨਕਸ਼ੱਤਰ ਦੇ ਦੇਵਤਾ ਬ੍ਰਹਮਾ ਜੀ ਹਨ। ਇਸ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਚੰਦਰਮਾ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ,ਇਸ ਸਾਲ ਦਾ ਪਹਿਲਾ ਭਾਗ ਤੁਹਾਡੇ ਲਈ ਸ਼ਾਨਦਾਰ ਰਹੇਗਾ, ਕਿਉਂਕਿ ਇਹ ਤੁਹਾਡੇ ਲਈ ਆਤਮਵਿਸ਼ਵਾਸ ਅਤੇ ਖੁਸ਼ਹਾਲੀ ਲੈ ਕੇ ਆਵੇਗਾ। ਹਾਲਾਂਕਿ, ਤੁਹਾਨੂੰ ਆਪਣੀ ਸਿਹਤ, ਖਾਸ ਤੌਰ ’ਤੇ ਆਪਣੇ ਵਜ਼ਨ ’ਤੇ ਧਿਆਨ ਦੇਣ ਦੀ ਲੋੜ ਹੈ। ਪੇਸ਼ੇਵਰ ਜੀਵਨ ਦੇ ਪੱਖ ਤੋਂ, ਤੁਸੀਂ ਸ਼ਾਨਦਾਰ ਪ੍ਰਦਰਸ਼ਨ ਕਰੋਗੇ। ਤੁਹਾਨੂੰ ਆਪਣੇ ਕਰੀਅਰ ਵਿੱਚ ਵਧੀਆ ਮੌਕੇ ਪ੍ਰਾਪਤ ਹੋਣਗੇ, ਜਿਨ੍ਹਾਂ ਦੀ ਤੁਸੀਂ ਇੱਛਾ ਕਰ ਰਹੇ ਸੀ। ਰੋਹਣੀ ਨਕਸ਼ੱਤਰ ਵਾਲੇ ਕੁਆਰੇ ਜਾਤਕਾਂ ਦੇ ਲਈ ਸਾਲ ਦੀ ਸ਼ੁਰੂਆਤ ਵਿਆਹ ਲਈ ਇੱਕ ਆਦਰਸ਼ ਸਮਾਂ ਹੈ। ਪ੍ਰੇਮ ਜੀਵਨ ਵਿੱਚ ਅਤੇ ਸ਼ਾਦੀਸ਼ੁਦਾ ਜਾਤਕਾਂ ਦੇ ਲਈ ਇਹ ਅਵਧੀ ਆਪਣੇ ਸਾਥੀ ਦੇ ਨਾਲ ਸ਼ਾਨਦਾਰ ਸਮਾਂ ਬਿਤਾਉਣ ਦਾ ਮੌਕਾ ਹੋਵੇਗਾ। ਇਹ ਸਾਲ ਪਿਆਰ ਅਤੇ ਰੋਮਾਂਸ ਦੇ ਲਈ ਬਹੁਤ ਵਧੀਆ ਰਹੇਗਾ। ਸ਼ਾਦੀਸ਼ੁਦਾ ਜਾਤਕ ਖੁਸ਼ਹਾਲ ਮਹਿਸੂਸ ਕਰਨਗੇ ਅਤੇ ਸਕਾਰਾਤਮਕ ਵਿਚਾਰਾਂ ਨਾਲ ਭਰਪੂਰ ਰਹਿਣਗੇ।

ਮ੍ਰਿਗਸ਼ਿਰਾ ਨਕਸ਼ੱਤਰ

ਮ੍ਰਿਗਸ਼ਿਰਾ ਨਕਸ਼ੱਤਰ ਦਾ ਵਿਸਥਾਰ ਬ੍ਰਿਸ਼ਭ ਅਤੇ ਮਿਥੁਨ ਰਾਸ਼ੀ ਵਿੱਚ 23.3 ਅੰਸ਼ ਤੋਂ 6.40 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ਹਿਰਨ ਦਾ ਸਿਰ ਹੈ ਅਤੇ ਇਸ ਨਕਸ਼ੱਤਰ ਦੇ ਦੇਵਤਾ ਸੋਮ (ਚੰਦਰਮਾ) ਹਨ। ਮ੍ਰਿਗਸ਼ਿਰਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਮੰਗਲ ਹੈ।

ਇਹ ਸਾਲ ਤੁਹਾਡੀ ਜੀਵਨ ਸ਼ਕਤੀ, ਮਜ਼ਬੂਤ ਰੋਗ ਪ੍ਰਤੀਰੋਧਕ ਸ਼ਕਤੀ ਅਤੇ ਆਤਮਵਿਸ਼ਵਾਸ ਨਾਲ ਸ਼ੁਰੂ ਹੋਵੇਗਾ, ਜੋ ਤੁਹਾਡੀ ਮਾਤਾ ਜੀ ਜਾਂ ਜੀਵਨ ਸਾਥੀ ਦੇ ਸਾਥ ਦੇ ਕਾਰਨ ਸੰਭਵ ਹੋਵੇਗਾ। ਇਹ ਅਵਧੀ ਜਾਇਦਾਦ ਵੇਚਣ, ਵਿੱਤੀ ਲਾਭ ਹਾਸਲ ਕਰਨ ਜਾਂ ਸਾਥੀ ਦੇ ਨਾਲ ਮਿਲ ਕੇ ਜਾਇਦਾਦ ਖਰੀਦਣ ਲਈ ਅਨੁਕੂਲ ਸਮਾਂ ਸਿੱਧ ਹੋਵੇਗੀ। ਇਸ ਸਮੇਂ ਦੇ ਦੌਰਾਨ ਆਪਣੇ ਵਿਵਹਾਰ ’ਤੇ ਨਜ਼ਰ ਰੱਖਣੀ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਤੁਹਾਡਾ ਗੁੱਸੇ ਭਰਿਆ ਸੁਭਾਅ ਆਪਣੇ ਸਾਥੀ ਦੇ ਨਾਲ ਸੰਘਰਸ਼ ਦਾ ਕਾਰਣ ਬਣ ਸਕਦਾ ਹੈ। ਅਪ੍ਰੈਲ ਅਤੇ ਮਈ ਦੇ ਦੌਰਾਨ, ਤੁਹਾਨੂੰ ਗੁੱਸੇ, ਸੰਚਾਰ ਵਿੱਚ ਮੁਸ਼ਕਿਲਾਂ, ਪਰਿਵਾਰਕ ਮੈਂਬਰਾਂ ਨਾਲ ਬਹਿਸ, ਪੈਸਿਆਂ ਦੀ ਕਮੀ ਅਤੇ ਬੱਚਤ ਵਿੱਚ ਕਮੀ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜੂਨ ਵਿੱਚ ਤੁਹਾਡੀ ਆਰਥਿਕ ਸਥਿਤੀ ਵਿੱਚ ਸੁਧਾਰ ਹੋਵੇਗਾ ਅਤੇ ਤੁਹਾਡਾ ਆਤਮ ਵਿਸ਼ਵਾਸ ਵਧੇਗਾ। ਹਾਲਾਂਕਿ, ਘਰੇਲੂ ਜੀਵਨ ਵਿੱਚ ਚੁਣੌਤੀਆਂ ਜਾਰੀ ਰਹਿਣਗੀਆਂ। ਜੁਲਾਈ ਵਿੱਚ ਤੁਸੀਂ ਕੋਈ ਜਾਇਦਾਦ ਜਾਂ ਨਵਾਂ ਵਾਹਨ ਖਰੀਦ ਸਕਦੇ ਹੋ। ਅਗਲੇ ਦੋ ਮਹੀਨੇ ਤੁਹਾਡੇ ਲਈ ਬਹੁਤ ਅਨੁਕੂਲ ਰਹਿਣਗੇ ਅਤੇ ਤੁਸੀਂ ਸਕਾਰਾਤਮਕ ਵਿਚਾਰਾਂ ਨਾਲ ਭਰਪੂਰ ਰਹੋਗੇ। ਪ੍ਰਤੀਯੋਗਿਤਾ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਦੇ ਲਈ ਇਹ ਸਮਾਂ ਬਹੁਤ ਉੱਤਮ ਸਿੱਧ ਹੋਵੇਗਾ। ਸਾਲ ਦੇ ਅੰਤ ਵਿੱਚ, ਤੁਹਾਡਾ ਧਿਆਨ ਆਪਣੇ ਨਿੱਜੀ ਜਾਂ ਪੇਸ਼ੇਵਰ ਜੀਵਨ ਦੀ ਬਜਾਏ ਆਪਣੀਆਂ ਸਾਂਝੇਦਾਰੀਆਂ ’ਤੇ ਕੇਂਦਰਿਤ ਰਹੇਗਾ।

ਆਰਦ੍ਰਾ ਨਕਸ਼ੱਤਰ

ਆਰਦ੍ਰਾ ਨਕਸ਼ੱਤਰ ਦਾ ਵਿਸਥਾਰ ਮਿਥੁਨ ਰਾਸ਼ੀ ਵਿੱਚ 6.41 ਅੰਸ਼ ਤੋਂ 20 ਅੰਸ਼ ਤੱਕ ਰਹਿੰਦਾ ਹੈ। ਇਸ ਨਕਸ਼ੱਤਰ ਦਾ ਪ੍ਰਤੀਕ ਚਿੰਨ੍ਹ ‘ਹੰਝੂ ਦੀ ਬੂੰਦ’ ਹੈ ਅਤੇ ਇਸ ਦੇ ਦੇਵਤਾ ਰੁਦ੍ਰ (ਸ਼ਿਵ ਜੀ ਦਾ ਇੱਕ ਰੂਪ) ਹਨ। ਇਸ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਰਾਹੂ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਸਾਲ ਦੀ ਪਹਿਲੀ ਛਿਮਾਹੀ, ਮਈ ਦੇ ਮੱਧ ਤੱਕ, ਤੁਹਾਡਾ ਧਿਆਨ ਆਪਣੇ ਕੰਮਕਾਜ ਅਤੇ ਪੇਸ਼ੇਵਰ ਜੀਵਨ ਨੂੰ ਅੱਗੇ ਵਧਾਉਣ ’ਤੇ ਰਹੇਗਾ। ਤੁਹਾਡੀ ਸਮਾਜਿਕ ਛਵੀ ਵਿੱਚ ਸੁਧਾਰ ਆਵੇਗਾ। ਤੁਹਾਡੇ ਕੰਮਕਾਜ ਵਾਲੇ ਮਾਹੌਲ ’ਤੇ ਵਿਦੇਸ਼ੀ ਪ੍ਰਭਾਵ ਦੇਖਣ ਨੂੰ ਮਿਲ ਸਕਦੇ ਹਨ।

ਨਕਾਰਾਤਮਕ ਪੱਖ ਦੇਖੀਏ ਤਾਂ ਜੇਕਰ ਤੁਸੀਂ ਆਪਣੀ ਮੌਜੂਦਾ ਨੌਕਰੀ ਵਿੱਚ ਹੀ ਰਹਿੰਦੇ ਹੋ, ਤਾਂ ਤੁਹਾਨੂੰ ਕੰਮਕਾਜ ਦੇ ਸਮੇਂ ਚੁਣੌਤੀਆਂ ਅਤੇ ਅਸਹਿਮਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਵਿਦੇਸ਼ ਵਿੱਚ ਪੜ੍ਹਾਈ ਕਰਨ ਲਈ ਇੱਛੁਕ ਵਿਦਿਆਰਥੀਆਂ ਨੂੰ ਵੀ ਇਸ ਸਾਲ ਵਧੀਆ ਮੌਕੇ ਮਿਲਣਗੇ। ਕੁੱਲ ਮਿਲਾ ਕੇ, ਭੌਤਿਕ ਪੱਖ ਤੋਂ ਇਹ ਸਾਲ ਤੁਹਾਡੇ ਲਈ ਅਨੁਕੂਲ ਰਹੇਗਾ।

ਪੁਨਰਵਸੁ ਨਕਸ਼ੱਤਰ

27 ਨਕਸ਼ੱਤਰਾਂ ਵਿੱਚੋਂ ਪੁਨਰਵਸੁ ਨਕਸ਼ੱਤਰ ਦਾ ਵਿਸਥਾਰ ਮਿਥੁਨ ਅਤੇ ਕਰਕ ਦੋਵਾਂ ਰਾਸ਼ੀਆਂ ਵਿੱਚ 20.1 ਅੰਸ਼ (ਮਿਥੁਨ) ਤੋਂ 3.20 ਅੰਸ਼ (ਕਰਕ) ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ ‘ਤੀਰਾਂ ਦਾ ਤਰਕਸ਼’ ਹੈ। ਇਹ ਨਕਸ਼ੱਤਰ ਦੇਵੀ ਅਦਿਤੀ ਦੇ ਅਧੀਨ ਹੈ, ਜੋ ਦੇਵਤਿਆਂ ਦੀ ਮਾਤਾ ਕਹਾਉਂਦੀ ਹੈ। ਪੁਨਰਵਸੁ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਬ੍ਰਹਸਪਤੀ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਸ ਸਾਲ ਤੁਸੀਂ ਆਪਣੇ ਵਿਅਕਤੀਗਤ ਵਿਕਾਸ ਅਤੇ ਗੁਣਾਂ ਨੂੰ ਨਿਖਾਰਣ ’ਤੇ ਕੰਮ ਕਰੋਗੇ। ਇਸ ਨਾਲ ਤੁਹਾਡਾ ਦਿਮਾਗ ਤੇਜ਼ ਹੋਵੇਗਾ, ਸਿੱਖਣ ਦੀ ਸਮਰੱਥਾ ਬਿਹਤਰ ਹੋਵੇਗੀ ਅਤੇ ਯਾਦ ਸ਼ਕਤੀ ਵਿੱਚ ਵੀ ਸੁਧਾਰ ਆਵੇਗਾ। ਵਿਅਕਤੀਗਤ ਵਿਕਾਸ ਅਤੇ ਗਿਆਨ ਦੇ ਲਈ ਇਹ ਸਮਾਂ ਬਹੁਤ ਹੀ ਵਧੀਆ ਹੈ। ਪੇਸ਼ੇਵਰ ਪੱਧਰ ’ਤੇ ਵੀ ਇਹ ਸਾਲ ਬਹੁਤ ਹੀ ਲਾਭਕਾਰੀ ਰਹੇਗਾ, ਖਾਸ ਤੌਰ ‘ਤੇ ਜੇਕਰ ਤੁਸੀਂ ਦਰਸ਼ਨ ਸ਼ਾਸਤਰੀ, ਸਲਾਹਕਾਰ, ਮਾਰਗਦਰਸ਼ਕ ਜਾਂ ਅਧਿਆਪਕ ਵੱਜੋਂ ਕੰਮ ਕਰਦੇ ਹੋ, ਕਿਉਂਕਿ ਤੁਹਾਡੇ ਕੰਮ ਦਾ ਹੋਰਾਂ ’ਤੇ ਡੂੰਘਾ ਪ੍ਰਭਾਵ ਪਵੇਗਾ। ਡਾਟਾ ਸਾਇੰਟਿਸਟ, ਵਾਰਤਾਕਾਰ ਜਾਂ ਬੈਂਕਿੰਗ, ਮੀਡੀਆ ਜਾਂ ਬਿਜ਼ਨਸ ਖੇਤਰਾਂ ਵਿੱਚ ਕੰਮ ਕਰਨ ਵਾਲੇ ਲੋਕਾਂ ਲਈ ਵੀ ਇਹ ਸਮਾਂ ਲਾਭਦਾਇਕ ਰਹੇਗਾ। ਵਿਆਹ ਦੇ ਇੱਛੁਕ ਲੋਕਾਂ ਲਈ, ਇਹ ਸਮਾਂ ਉਚਿਤ ਸਾਥੀ ਲੱਭਣ ਅਤੇ ਵਿਆਹ ਕਰਨ ਲਈ ਬਹੁਤ ਹੀ ਬਿਹਤਰੀਨ ਹੈ। ਜੇਕਰ ਤੁਸੀਂ ਸ਼ਾਦੀਸ਼ੁਦਾ ਹੋ ਅਤੇ ਪਰਿਵਾਰ ਸ਼ੁਰੂ ਕਰਨ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਸਾਲ ਸੰਤਾਨ ਦੀ ਪ੍ਰਾਪਤੀ ਲਈ ਬਹੁਤ ਹੀ ਵਧੀਆ ਸਮਾਂ ਹੈ। ਉੱਚ ਵਿੱਦਿਆ ਦੀ ਤਿਆਰੀ ਕਰ ਰਹੇ ਜਾਂ ਪ੍ਰਾਪਤ ਕਰ ਰਹੇ ਵਿਦਿਆਰਥੀਆਂ ਲਈ ਵੀ ਇਹ ਸਾਲ ਬਹੁਤ ਹੀ ਵਧੀਆ ਹੈ। 19 ਅਕਤੂਬਰ 2025 ਤੋਂ 4 ਦਸੰਬਰ 2025 ਤੱਕ ਤੁਸੀਂ ਬੱਚਤ ਕਰਨ ਵਿੱਚ ਸਫਲ ਹੋਵੋਗੇ ਅਤੇ ਤੁਹਾਡੇ ਬੈਂਕ ਬੈਲੇਂਸ ਵਿੱਚ ਵਾਧਾ ਹੋਵੇਗਾ, ਜਿਸ ਨਾਲ ਤੁਸੀਂ ਸਾਲ ਭਰ ਦੀ ਆਪਣੀ ਮਹਨਤ ਦਾ ਫਲ ਪ੍ਰਾਪਤ ਕਰੋਗੇ।

ਪੁਸ਼ਯ ਨਕਸ਼ੱਤਰ

ਪੁਸ਼ਯ ਨਕਸ਼ੱਤਰ ਦਾ ਵਿਸਥਾਰ ਕਰਕ ਰਾਸ਼ੀ ਵਿੱਚ 3.21 ਅੰਸ਼ ਤੋਂ 16.40 ਅੰਸ਼ ਤੱਕ ਹੁੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ “ਗਊ ਦਾ ਦੁੱਧ ਦੇਣ ਵਾਲੇ ਥਣ” ਜਾਂ ‘ਇੱਕ ਚੱਕਰ’ ਹੈ। ਪੁਸ਼ਯ ਨਕਸ਼ੱਤਰ ਦੇ ਦੇਵਤਾ ਬ੍ਰਹਸਪਤੀ ਹਨ ਅਤੇ ਇਸ ਨਕਸ਼ੱਤਰ ਦਾ ਸੁਆਮੀ ਸ਼ਨੀ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਹ ਸਾਲ ਮੈਨੇਜਮੈਂਟ, ਡਾਕਟਰੇਟ ਅਧਿਐਨ, ਜੂਡੀਸ਼ਰੀ ਜਾਂ ਸਰਕਾਰੀ ਨੌਕਰੀਆਂ ਵਿੱਚ ਡਿਗਰੀ ਪ੍ਰਾਪਤ ਕਰਨ ਵਾਲੇ ਜਾਤਕਾਂ ਦੇ ਲਈ ਅਨੁਕੂਲ ਰਹੇਗਾ। ਇਸ ਸਾਲ ਦੇ ਦੌਰਾਨ, ਤੁਸੀਂ ਜੋ ਵੀ ਸਿੱਖੋਗੇ, ਉਹ ਸਖ਼ਤ ਅਨੁਸ਼ਾਸਨ ਅਤੇ ਦਿਸ਼ਾ-ਨਿਰਦੇਸ਼ ਰਾਹੀਂ ਆਵੇਗਾ, ਜਾਂ ਉਨ੍ਹਾਂ ਲੋਕਾਂ ਤੋਂ ਜਿਨ੍ਹਾਂ ਨਾਲ ਤੁਹਾਡੀ ਦੋਸਤੀ ਨਹੀਂ। ਤੁਹਾਡੀ ਜ਼ਿਆਦਾਤਰ ਸਿੱਖਿਆ ਆਪਣੇ ਯਤਨਾਂ ਰਾਹੀਂ ਆਵੇਗੀ। ਪ੍ਰੇਮ ਜੀਵਨ ਵਿੱਚ ਤੁਸੀਂ ਅਤੇ ਤੁਹਾਡਾ ਸਾਥੀ ਇਸ ਸਾਲ ਲੰਬੀ ਦੂਰੀ ਦੀ ਯਾਤਰਾ ਕਰ ਸਕਦੇ ਹੋ। ਇਨ੍ਹਾਂ ਯਾਤਰਾਵਾਂ ਦੇ ਦੌਰਾਨ, ਤੁਹਾਡਾ ਰਿਸ਼ਤਾ ਦਾਰਸ਼ਨਿਕ ਜਾਂ ਧਾਰਮਿਕ ਦਿਸ਼ਾ ਵਿੱਚ ਅੱਗੇ ਵਧ ਸਕਦਾ ਹੈ। ਇਸ ਸਾਲ ਤੁਸੀਂ ਆਪਣੇ ਛੁਪੇ ਹੋਏ ਡਰ ਅਤੇ ਚਿੰਤਾਵਾਂ ’ਤੇ ਕਿਸੇ ਗੁਰੂ ਜਾਂ ਰੂਹਾਨੀ ਮਾਰਗਦਰਸ਼ਕ ਨਾਲ ਵਿਚਾਰ-ਵਟਾਂਦਰਾ ਕਰ ਸਕਦੇ ਹੋ। ਇਸ ਸਮੇਂ ਵਿੱਚ ਵਿੱਤੀ ਵਿਕਾਸ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਲਾਭ ਸੀਮਤ ਰਹਿ ਸਕਦੇ ਹਨ।

ਬ੍ਰਿਹਤ ਕੁੰਡਲੀ : ਜਾਣੋ ਗ੍ਰਹਾਂ ਦਾ ਤੁਹਾਡੇ ਜੀਵਨ ‘ਤੇ ਪ੍ਰਭਾਵ ਅਤੇ ਉਪਾਅ

ਅਸ਼ਲੇਸ਼ਾ ਨਕਸ਼ੱਤਰ

ਆਕਾਸ਼ ਮੰਡਲ ਵਿੱਚ ਅਸ਼ਲੇਸ਼ਾ ਨਕਸ਼ੱਤਰ ਦਾ ਵਿਸਥਾਰ ਕਰਕ ਰਾਸ਼ੀ ਵਿੱਚ 16.41 ਅੰਸ਼ ਤੋਂ 30 ਅੰਸ਼ ਤੱਕ ਹੁੰਦਾ ਹੈ। ਇਹ ਨਕਸ਼ੱਤਰ ਕੁੰਡਲੀ ਮਾਰੇ ਹੋਏ ਸੱਪ ਵਾਂਗ ਦਿਖਦਾ ਹੈ। ਅਸ਼ਲੇਸ਼ਾ ਨਕਸ਼ੱਤਰ ਦਾ ਦੇਵਤਾ ਨਾਗ/ਸੱਪ ਹੈ ਅਤੇ ਇਸ ਦਾ ਸੁਆਮੀ ਬੁੱਧ ਗ੍ਰਹਿ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਹ ਸਾਲ ਤੁਹਾਡੇ ਲਈ ਕੁਝ ਮੁਸ਼ਕਲਾਂ ਅਤੇ ਚੁਣੌਤੀਆਂ ਭਰਿਆ ਸਿੱਧ ਹੋ ਸਕਦਾ ਹੈ। ਇਸ ਸਮੇਂ ਦੇ ਦੌਰਾਨ ਆਪਣੇ ਕੰਮਾਂ ਦੇ ਪ੍ਰਤੀ ਸਾਵਧਾਨ ਰਹੋ, ਕਿਉਂਕਿ ਤੁਹਾਡੇ ਵਿਰੋਧੀ ਸਰਗਰਮ ਰਹਿਣਗੇ ਅਤੇ ਜਨਵਰੀ ਦੇ ਪੂਰੇ ਮਹੀਨੇ ਵਿੱਚ ਤੁਹਾਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਸ ਲਈ ਤੁਹਾਨੂੰ ਯੋਜਨਾ ਬਣਾ ਕੇ ਚੱਲਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਫਰਵਰੀ ਵਿੱਚ, ਤੁਸੀਂ ਆਪਣੇ ਸਾਥੀ ਦੇ ਨਾਲ ਖੁੱਲ੍ਹ ਕੇ ਗੱਲਬਾਤ ਕਰੋਗੇ, ਜੋ ਤੁਹਾਡੇ ਰਿਸ਼ਤਿਆਂ ਨੂੰ ਮਜ਼ਬੂਤ ਕਰੇਗੀ। ਹਾਲਾਂਕਿ, ਇਸ ਦੌਰਾਨ ਆਪਣੇ ਸਾਥੀ ਦੀ ਸਿਹਤ ਦਾ ਖਿਆਲ ਰੱਖੋ। ਮਾਰਚ ਤੁਹਾਡੇ ਸੰਚਾਰ ਹੁਨਰ ਨੂੰ ਸੁਧਾਰਣ ਲਈ ਇੱਕ ਅਨੁਕੂਲ ਮਹੀਨਾ ਹੋਵੇਗਾ, ਮਈ ਅਤੇ ਜੂਨ ਤੁਹਾਡੇ ਪੇਸ਼ੇਵਰ ਜੀਵਨ ਲਈ ਸਕਾਰਾਤਮਕ ਰਹਿਣਗੇ। ਤੁਹਾਡਾ ਆਤਮ ਵਿਸ਼ਵਾਸ ਵਧੇਗਾ ਅਤੇ ਤੁਸੀਂ ਆਪਣੇ ਰਚਨਾਤਮਕ ਵਿਚਾਰਾਂ ਨੂੰ ਸਾਫ਼ ਤਰੀਕੇ ਨਾਲ ਪ੍ਰਗਟ ਕਰੋਗੇ। ਜੁਲਾਈ ਅਤੇ ਅਗਸਤ ਤੁਹਾਡੇ ਲਈ ਜ਼ਿੰਦਗੀ ਦੇ ਸਭ ਖੇਤਰਾਂ ਵਿੱਚ ਅਨੁਕੂਲ ਰਹਿਣਗੇ। ਸਤੰਬਰ ਦੇ ਮਹੀਨੇ ਵਿੱਚ, ਤੁਸੀਂ ਪਰਿਵਾਰਕ ਜ਼ਿੰਮੇਵਾਰੀਆਂ ’ਤੇ ਧਿਆਨ ਦੇਣ ਅਤੇ ਆਓਣ ਵਾਲੇ ਤਿਉਹਾਰਾਂ ਲਈ ਪੈਸੇ ਜਮ੍ਹਾਂ ਕਰਨ ’ਤੇ ਧਿਆਨ ਕੇਂਦ੍ਰਿਤ ਕਰੋਗੇ। ਅਕਤੂਬਰ ਅਤੇ ਨਵੰਬਰ ਤਿਉਹਾਰੀ ਉਤਸ਼ਾਹ ਨਾਲ ਭਰੇ ਰਹਿਣਗੇ। ਇਹ ਸਾਲ ਤੁਹਾਡੇ ਲਈ ਕੁੱਲ ਮਿਲਾ ਕੇ ਇਕ ਸਕਾਰਾਤਮਕ ਸਾਲ ਸਿੱਧ ਹੋਵੇਗਾ।

ਮਘਾ ਨਕਸ਼ੱਤਰ

ਮਘਾ ਨਕਸ਼ੱਤਰ ਸਿੰਘ ਰਾਸ਼ੀ ਵਿੱਚ 0 ਅੰਸ਼ ਤੋਂ 13.20 ਅੰਸ਼ ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ “ਸ਼ਾਹੀ ਸਿੰਘਾਸਨ” ਹੈ ਅਤੇ ਇਸ ਦੇ ਨਕਸ਼ੱਤਰ ਦੇਵਤਾ ਪਿਤਰ ਹਨ। ਮਘਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਕੇਤੂ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਸਾਲ ਦੇ ਪਹਿਲੇ ਭਾਗ ਵਿੱਚ ਅਰਥਾਤ ਮਈ ਤੱਕ ਤੁਹਾਡਾ ਧਿਆਨ ਆਪਣੇ ਪਰਿਵਾਰ, ਪਰਿਵਾਰਕ ਮੁੱਲਾਂ, ਜੱਦੀ ਜਾਇਦਾਦ ਅਤੇ ਬੱਚਤ ’ਤੇ ਹੋਵੇਗਾ। ਹਾਲਾਂਕਿ, ਤੁਹਾਨੂੰ ਇਨ੍ਹਾਂ ਖੇਤਰਾਂ ਵਿੱਚ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸਾਲ ਦੇ ਦੂਜੇ ਭਾਗ ਵਿੱਚ, ਅਰਥਾਤ ਮਈ ਤੋਂ ਬਾਅਦ, ਤੁਸੀਂ ਧਾਰਮਿਕ ਗਤੀਵਿਧੀਆਂ ਵਿੱਚ ਵੱਧ ਦਿਲਚਸਪੀ ਲੈ ਸਕਦੇ ਹੋ ਅਤੇ ਅਧਿਆਤਮਿਕ ਗਤੀਵਿਧੀਆਂ ਵੱਲ ਜ਼ਿਆਦਾ ਝੁਕਾਅ ਰੱਖੋਗੇ। ਹੌਲ਼ੀ-ਹੌਲ਼ੀ, ਤੁਸੀਂ ਭੌਤਿਕ ਜਗਤ ਤੋਂ ਦੂਰ ਰਹਿਣਾ ਪਸੰਦ ਕਰ ਸਕਦੇ ਹੋ। ਅਭਿਨੇਤਰੀ, ਸਟੇਜ ਪਰਫਾਰਮਰ ਜਾਂ ਐਥਲੀਟ ਦੇ ਤੌਰ ’ਤੇ ਕੰਮ ਕਰਨ ਵਾਲੇ ਲੋਕ ਆਪਣੇ ਪ੍ਰਦਰਸ਼ਨ ਨਾਲ ਅਸੰਤੁਸ਼ਟ ਮਹਿਸੂਸ ਕਰ ਸਕਦੇ ਹਨ। ਉਹ ਅਭਿਆਸ ਕਰਨ ਅਤੇ ਆਪਣੇ ਹੁਨਰ ਵਿੱਚ ਸੁਧਾਰ ਕਰਨ ਨੂੰ ਤਰਜੀਹ ਦੇ ਸਕਦੇ ਹਨ। ਕੁੱਲ ਮਿਲਾ ਕੇ, ਇਹ ਸਾਲ ਤੁਹਾਡੇ ਲਈ ਇੱਕ ਪਰਿਵਰਤਨਸ਼ੀਲ ਅਵਧੀ ਹੋ ਸਕਦਾ ਹੈ, ਜੋ ਮਹੱਤਵਪੂਰਣ ਨਿੱਜੀ ਵਿਕਾਸ ਅਤੇ ਬਦਲਾਅ ਲਿਆ ਸਕਦਾ ਹੈ।

ਪੂਰਵਾਫੱਗਣੀ ਨਕਸ਼ੱਤਰ

ਪੂਰਵਾਫੱਗਣੀ ਨਕਸ਼ੱਤਰ ਦਾ ਵਿਸਥਾਰ ਸਿੰਘ ਰਾਸ਼ੀ ਵਿੱਚ 13.21 ਅੰਸ਼ ਤੋਂ 26.40 ਅੰਸ਼ ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਸੋਫਾ’ ਜਾਂ ‘ਪਲੰਗ ਦਾ ਪਹਿਲਾ ਸਿਰਾ’ ਹੈ। ਇਹ ਨਕਸ਼ੱਤਰ ਦੇਵੀ ਭਗ ਦੇ ਅਧੀਨ ਹੈ, ਜੋ ਸੁਭਾਗ ਅਤੇ ਅਨੰਦ ਦੀ ਦੇਵੀ ਹੈ। ਇਸ ਦਾ ਸੁਆਮੀ ਗ੍ਰਹਿ ਸ਼ੁੱਕਰ ਹੈ।

ਸਾਲ ਦੀ ਸ਼ੁਰੂਆਤ ਤੁਹਾਡੇ ਲਈ ਜ਼ਿਆਦਾ ਅਨੁਕੂਲ ਨਹੀਂ ਲੱਗ ਰਹੀ। ਮਈ ਤੱਕ ਤੁਹਾਡੀ ਜ਼ਿੰਦਗੀ ਵਿੱਚ ਕਈ ਸਮੱਸਿਆਵਾਂ ਅਤੇ ਅਚਾਨਕ ਉਤਾਰ-ਚੜ੍ਹਾਅ ਆ ਸਕਦੇ ਹਨ। ਤੁਹਾਨੂੰ ਚਮੜੀ ਦੀ ਐਲਰਜੀ, ਕੀੜਿਆਂ ਦੇ ਵੱਢਣ, ਯੂ.ਟੀ.ਆਈ. ਜਾਂ ਇਸੇ ਤਰ੍ਹਾਂ ਦੇ ਇਨਫੈਕਸ਼ਨਾਂ ਦੀ ਪਰੇਸ਼ਾਨੀ ਹੋ ਸਕਦੀ ਹੈ। ਦੂਜੇ ਪਾਸੇ, ਗੂੜ੍ਹ ਵਿੱਦਿਆ ਜਾਂ ਸ਼ੋਧ ਦੇ ਖੇਤਰ ਨਾਲ ਜੁੜੇ ਲੋਕ ਆਪਣੇ ਕੰਮ ਲਈ ਪੂਰੀ ਤਰ੍ਹਾਂ ਸਮਰਪਿਤ ਰਹਿਣਗੇ ਅਤੇ ਨਵੀ ਅੰਤਰਦ੍ਰਿਸ਼ਟੀ ਜਾਂ ਧਾਰਮਿਕ ਰਹੱਸ ਦੀ ਖੋਜ ਕਰਨ ਵਿੱਚ ਸਫਲ ਹੋਣਗੇ। ਤੁਸੀਂ ਇਸ ਦੌਰਾਨ ਆਪਣੇ ਸਾਥੀ ਦੇ ਪਰਿਵਾਰ ਨੂੰ ਮਿਲ ਸਕਦੇ ਹੋ। ਜੂਨ ਵਿੱਚ, ਤੁਹਾਨੂੰ ਸਾਰੀਆਂ ਸਮੱਸਿਆਵਾਂ ਤੋਂ ਰਾਹਤ ਮਿਲੇਗੀ ਅਤੇ ਤੁਸੀਂ ਧਰਮ ਅਤੇ ਆਪਣੀ ਉੱਚ ਵਿੱਦਿਆ ਵੱਲ ਪੂਰਾ ਧਿਆਨ ਦਿਓਗੇ। ਜੁਲਾਈ ਅਤੇ ਅਗਸਤ ਦੇ ਮਹੀਨੇ ਲਾਭ ਲਈ ਅਨੁਕੂਲ ਰਹਿਣਗੇ। ਜੇਕਰ ਤੁਸੀਂ ਕਿਸੇ ਐਮ.ਐਨ.ਸੀ. ਕੰਪਨੀ ਵਿੱਚ ਕੰਮ ਕਰਦੇ ਹੋ, ਤਾਂ ਤੁਹਾਨੂੰ ਸਤੰਬਰ ਮਹੀਨੇ ਵਿੱਚ ਵਿਦੇਸ਼ ਜਾਣ ਦਾ ਮੌਕਾ ਮਿਲ ਸਕਦਾ ਹੈ। ਸਾਲ ਦਾ ਅੰਤ ਤੁਹਾਡੇ ਲਈ ਸਕਾਰਾਤਮਕ ਨਤੀਜੇ ਲਿਆਓਂਦਾ ਹੋਇਆ ਦਿੱਖ ਰਿਹਾ ਹੈ।

जीवन में किसी भी समस्या का समाधान पाने के लिए प्रश्न पूछें

ਉੱਤਰਾਫੱਗਣੀ ਨਕਸ਼ੱਤਰ

ਉੱਤਰਾਫੱਗਣੀ ਨਕਸ਼ੱਤਰ ਦਾ ਵਿਸਥਾਰ 26.41 ਅੰਸ਼ (ਸਿੰਘ) ਤੋਂ 10.00 ਅੰਸ਼ (ਕੰਨਿਆ ਰਾਸ਼ੀ) ਤੱਕ ਹੁੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਪਲੰਗ ਦੇ ਪਿਛਲੇ ਪੈਰ’ ਵਰਗਾ ਲੱਗਦਾ ਹੈ। ਨਕਸ਼ੱਤਰ ਦੇ ਦੇਵਤਾ ‘ਆਰਯਮਾਨ’ ਹਨ, ਜੋ ਪਸ਼ੂਆਂ ਦੇ ਰੱਖਿਅਕ ਹਨ। ਉੱਤਰਾਫੱਗਣੀ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਸੂਰਜ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਸਾਲ ਦੀ ਸ਼ੁਰੂਆਤ ਵਿੱਚ ਤੁਹਾਨੂੰ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਾਲਾਂਕਿ, ਪ੍ਰਤੀਯੋਗਿਤਾ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਨੂੰ ਸਫਲਤਾ ਮਿਲੇਗੀ ਅਤੇ ਉਹ ਆਪਣੀਆਂ ਪ੍ਰੀਖਿਆਵਾਂ ਵਧੀਆ ਅੰਕਾਂ ਨਾਲ ਪਾਸ ਕਰਨ ਵਿੱਚ ਕਾਮਯਾਬ ਰਹਿਣਗੇ। ਫਰਵਰੀ ਅਤੇ ਮਾਰਚ ਦੇ ਦੌਰਾਨ, ਤੁਹਾਡੇ ਸਾਥੀ ਨਾਲ ਘਮੰਡ ਦੇ ਕਾਰਨ ਟਕਰਾਅ ਅਤੇ ਵਾਦ-ਵਿਵਾਦ ਹੋਣ ਦੀ ਸੰਭਾਵਨਾ ਹੈ। ਅਪ੍ਰੈਲ ਦੇ ਮੱਧ ਤੋਂ ਬਾਅਦ, ਤੁਹਾਨੂੰ ਕਿਸਮਤ ਦਾ ਪੂਰਾ ਸਾਥ ਮਿਲੇਗਾ ਅਤੇ ਹਾਲਾਤ ਹੌਲ਼ੀ-ਹੌਲ਼ੀ ਤੁਹਾਡੇ ਪੱਖ ਵਿੱਚ ਆਉਣ ਲੱਗਣਗੇ। ਸਲਾਹਕਾਰ, ਮਾਰਗਦਰਸ਼ਕ ਜਾਂ ਅਧਿਆਪਕ ਦੇ ਰੂਪ ਵਿੱਚ ਕੰਮ ਕਰਨ ਵਾਲੇ ਜਾਤਕਾਂ ਦੇ ਲਈ ਇਹ ਸਮਾਂ ਬਹੁਤ ਹੀ ਅਨੁਕੂਲ ਰਹੇਗਾ। ਮਈ ਅਤੇ ਜੂਨ ਤੱਕ ਦਾ ਸਮਾਂ ਤੁਹਾਡੇ ਲਈ ਸਕਾਰਾਤਮਕ ਨਤੀਜੇ ਲਿਆਵੇਗਾ। ਜੁਲਾਈ ਵਿੱਚ ਤੁਹਾਨੂੰ ਆਪਣੀ ਸਿਹਤ ’ਤੇ ਮੁੜ ਧਿਆਨ ਦੇਣ ਦੀ ਲੋੜ ਹੋਵੇਗੀ। ਅਗਸਤ ਅਤੇ ਸਤੰਬਰ ਵਿੱਚ, ਤੁਹਾਨੂੰ ਆਪਣੀ ਫਿੱਟਨੈਸ ਅਤੇ ਸਿਹਤ ਨੂੰ ਵਧਾਉਣ ’ਤੇ ਧਿਆਨ ਕੇਂਦ੍ਰਿਤ ਕਰਨਾ ਪਵੇਗਾ। ਸਰੀਰਿਕ ਸਿਹਤ ਨੂੰ ਬਿਹਤਰ ਬਣਾਉਣ ਲਈ ਇਹ ਸਮਾਂ ਵਧੀਆ ਹੈ। ਸਾਲ ਦੀ ਆਖਰੀ ਤਿਮਾਹੀ ਦੇ ਦੌਰਾਨ, ਤੁਹਾਡਾ ਧਿਆਨ ਆਪਣੇ ਘਰਲੂ ਜੀਵਨ ’ਤੇ ਕੇਂਦ੍ਰਿਤ ਰਹੇਗਾ।

ਹਸਤ ਨਕਸ਼ੱਤਰ

ਨਕਸ਼ੱਤਰਾਂ ਦੇ ਕ੍ਰਮ ਵਿੱਚ, ਹਸਤ ਨਕਸ਼ੱਤਰ ਦਾ ਵਿਸਥਾਰ ਕੰਨਿਆ ਰਾਸ਼ੀ ਵਿੱਚ 10 ਅੰਸ਼ ਤੋਂ 23.20 ਅੰਸ਼ ਤੱਕ ਹੁੰਦਾ ਹੈ। ਇਸ ਦਾ ਪ੍ਰਤੀਕ ‘ਹੱਥ ਦੇ ਖੁੱਲੇ ਤਲਵੇ’ ਵਾਂਗ ਹੈ ਅਤੇ ਨਕਸ਼ੱਤਰ ਦਾ ਦੇਵਤਾ ਸੂਰਜ ਹੈ। ਹਸਤ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਚੰਦਰਮਾ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਹਸਤ ਨਕਸ਼ੱਤਰ ਵਾਲਿਆਂ ਲਈ ਇਹ ਸਾਲ ਪਿਛਲੇ ਸਾਲ ਦੀਆਂ ਸਮੱਸਿਆਵਾਂ ਤੋਂ ਰਾਹਤ ਲਿਆਵੇਗਾ। ਤੁਸੀਂ ਬਿਹਤਰ ਸਿਹਤ, ਆਪਣੇ ਪਿਆਰੇ ਲੋਕਾਂ ਨਾਲ ਬਿਹਤਰ ਸਬੰਧ ਅਤੇ ਸ਼ਾਨਦਾਰ ਜੀਵਨ ਦਾ ਅਨੁਭਵ ਕਰੋਗੇ। ਸਾਲ ਦਾ ਦੂਜਾ ਹਿੱਸਾ ਤੁਹਾਡੇ ਲਈ ਖਾਸ ਤੌਰ ’ਤੇ ਅਨੁਕੂਲ ਰਹੇਗਾ। ਸਤੰਬਰ ਅਤੇ ਅਕਤੂਬਰ ਵਿੱਚ, ਤੁਸੀਂ ਆਪਣੇ ਬੋਲਚਾਲ ਵਿੱਚ ਆਤਮਵਿਸ਼ਵਾਸ ਅਤੇ ਪ੍ਰਭਾਵ ਵਿੱਚ ਵਾਧਾ ਮਹਿਸੂਸ ਕਰੋਗੇ। ਸਾਲ ਦਾ ਦੂਜਾ ਅੱਧ ਤੁਹਾਡੇ ਆਰਥਿਕ ਜੀਵਨ ਲਈ ਲਾਭਕਾਰੀ ਰਹੇਗਾ। ਪ੍ਰੇਮ ਜੀਵਨ ਦੇ ਸਬੰਧ ਵਿੱਚ, ਪਿਛਲੇ ਸਾਲ ਦੇ ਦੌਰਾਨ ਤੁਸੀਂ ਜਿਹੜੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕੀਤਾ ਸੀ, ਉਨ੍ਹਾਂ ਤੋਂ ਇਸ ਸਾਲ ਰਾਹਤ ਮਿਲੇਗੀ।

ਚਿੱਤਰਾ ਨਕਸ਼ੱਤਰ

ਚਿੱਤਰਾ ਨਕਸ਼ੱਤਰ ਦਾ ਵਿਸਥਾਰ 23.20 ਅੰਸ਼ (ਕੰਨਿਆ) ਤੋਂ 6.40 ਅੰਸ਼ (ਤੁਲਾ ਰਾਸ਼ੀ) ਤੱਕ ਹੁੰਦਾ ਹੈ। ਇਸ ਦਾ ਪ੍ਰਤੀਕ ‘ਮੋਤੀ ਜਾਂ ਮਣੀ’ ਹੈ ਅਤੇ ਇਸ ਨਕਸ਼ੱਤਰ ਦੇ ਦੇਵਤਾ ‘ਤਵਾਸ਼ਟਰ’ ਜਾਂ ‘ਵਿਸ਼ਵਕਰਮਾ’ ਜੀ ਹਨ, ਜੋ ਸ੍ਰਿਸ਼ਟੀ ਦੇ ਰਚਣਹਾਰ ਬ੍ਰਹਮਾ ਜੀ ਦੇ ਵੰਸ਼ਜ ਹਨ। ਚਿੱਤਰਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਮੰਗਲ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਸ ਸਾਲ ਦੀ ਸ਼ੁਰੂਆਤ ਤੁਹਾਡੇ ਪੇਸ਼ੇਵਰ ਜੀਵਨ ਵਿੱਚ ਮਹੱਤਵਪੂਰਣ ਤਰੱਕੀ ਦੇ ਨਾਲ ਹੋਵੇਗੀ। ਸਾਲ ਦੇ ਪਹਿਲੇ ਹਿੱਸੇ ਵਿੱਚ ਤੁਸੀਂ ਆਪਣੇ ਕਰੀਅਰ ਨੂੰ ਸੁਧਾਰਣ ‘ਤੇ ਪੂਰੀ ਤਰ੍ਹਾਂ ਧਿਆਨ ਕੇਂਦਰਿਤ ਕਰੋਗੇ। ਤੁਸੀਂ ਆਪਣੇ ਕਾਰਜ ਸਥਾਨ ’ਤੇ ਕਾਮਯਾਬੀ ਲਈ ਊਰਜਾਵਾਨ ਰਹੋਗੇ ਅਤੇ ਆਪਣੀਆਂ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ਲਈ ਤਿਆਰ ਰਹੋਗੇ। ਕਾਰੋਬਾਰੀ ਜਾਤਕ ਇਸ ਸਮੇਂ ਦੇ ਦੌਰਾਨ ਵਧੇਰੇ ਲਾਭ ਅਤੇ ਵਪਾਰ ਵਿੱਚ ਵਾਧੇ ਲਈ ਨਵੀਆਂ ਯੋਜਨਾਵਾਂ ਬਣਾਓਣਗੇ, ਜਿਸ ਨਾਲ ਉਹਨਾਂ ਨੂੰ ਲਾਭ ਮਿਲੇਗਾ। ਹਾਲਾਂਕਿ, ਜੂਨ ਅਤੇ ਜੁਲਾਈ ਵਿੱਚ ਨਿਵੇਸ਼ ਅਤੇ ਵਿੱਤੀ ਮਾਮਲਿਆਂ ਵਿੱਚ ਤੁਹਾਨੂੰ ਸਾਵਧਾਨੀ ਵਰਤਣੀ ਪਵੇਗੀ, ਕਿਉਂਕਿ ਘਮੰਡ ਦੇ ਕਾਰਨ ਨੁਕਸਾਨ ਅਤੇ ਗੈਰਜ਼ਰੂਰੀ ਖਰਚੇ ਹੋ ਸਕਦੇ ਹਨ।

ਸਵਾਤੀ ਨਕਸ਼ੱਤਰ

27 ਨਕਸ਼ੱਤਰਾਂ ਵਿੱਚੋਂ, ਸਵਾਤੀ ਨਕਸ਼ੱਤਰ ਦਾ ਵਿਸਥਾਰ ਤੁਲਾ ਰਾਸ਼ੀ ਵਿੱਚ 6.40 ਅੰਸ਼ ਤੋਂ 20.00 ਅੰਸ਼ ਤੱਕ ਹੁੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਮੂੰਗਾ ਜਾਂ ਪ੍ਰਵਾਲ’ ਹੈ ਅਤੇ ਇਸ ਦੇ ਦੇਵਤਾ ਪਵਨ ਦੇਵ ਹਨ। ਸਵਾਤੀ ਨਕਸ਼ੱਤਰ ਦਾ ਸੁਆਮੀ ਰਾਹੂ ਗ੍ਰਹਿ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਸਾਲ ਦੀ ਸ਼ੁਰੂਆਤ ਵਿੱਚ ਤੁਸੀਂ ਆਪਣੀਆਂ ਸਮੱਸਿਆਵਾਂ ਅਤੇ ਵਿਵਾਦਾਂ ਨੂੰ ਸੁਲਝਾਉਣ ‘ਤੇ ਧਿਆਨ ਕੇਂਦਰਿਤ ਕਰੋਗੇ। ਜੇਕਰ ਤੁਸੀਂ ਕਿਸੇ ਅਦਾਲਤੀ ਮਾਮਲੇ ਜਾਂ ਮੁਕੱਦਮੇ ਵਿੱਚ ਫਸੇ ਹੋਏ ਹੋ, ਤਾਂ ਸਾਲ ਦੇ ਪਹਿਲੇ ਹਿੱਸੇ ਵਿੱਚ ਇਹ ਤੁਹਾਡੇ ਪੱਖ ਵਿੱਚ ਸੁਲਝਣਗੇ। ਹਾਲਾਂਕਿ, ਨਕਾਰਾਤਮਕ ਪੱਖ ਇਹ ਹੈ ਕਿ ਆਪਣੀਆਂ ਇੱਛਾਵਾਂ ਦੇ ਕਾਰਨ ਤੁਸੀਂ ਵਧੇਰੇ ਖਰਚ ਕਰਨ ਦੀ ਪ੍ਰਵਿਰਤੀ ਰੱਖ ਸਕਦੇ ਹੋ, ਜਿਸ ਨਾਲ ਤੁਹਾਡੇ ਕਰਜ਼ੇ ਦਾ ਬੋਝ ਵਧ ਸਕਦਾ ਹੈ ਅਤੇ ਤੁਸੀਂ ਪਰੇਸ਼ਾਨੀ ਵਿੱਚ ਫਸ ਸਕਦੇ ਹੋ।

ਇਸ ਦੌਰਾਨ, ਤੁਹਾਨੂੰ ਆਪਣੀ ਸਿਹਤ ਦੇ ਪ੍ਰਤੀ ਸੁਚੇਤ ਰਹਿਣ ਦੀ ਜ਼ਰੂਰਤ ਹੈ, ਕਿਉਂਕਿ ਕਿਡਨੀ ਜਾਂ ਜਿਗਰ ਦੇ ਇਨਫੈਕਸ਼ਨ ਦਾ ਖਤਰਾ ਹੋ ਸਕਦਾ ਹੈ। ਇਸ ਲਈ, ਤੁਹਾਨੂੰ ਰੈਗੂਲਰ ਕਿਡਨੀ ਫੰਕਸ਼ਨ ਟੈਸਟ (KFT) ਅਤੇ ਲਿਵਰ ਫੰਕਸ਼ਨ ਟੈਸਟ (LFT) ਕਰਵਾਉਣ ਅਤੇ ਖਾਣ-ਪੀਣ ਦੀ ਸਾਵਧਾਨੀ ਰੱਖਣ ਦੀ ਸਿਫਾਰਿਸ਼ ਕੀਤੀ ਜਾਂਦੀ ਹੈ

ਮਈ ਤੋਂ ਸ਼ੁਰੂ ਹੋਣ ਵਾਲੇ ਸਾਲ ਦੇ ਦੂਜੇ ਹਿੱਸੇ ਵਿੱਚ ਹਾਲਾਤ ਬਿਹਤਰ ਹੋਣ ਲੱਗਣਗੇ। ਜਿਹੜੀਆਂ ਔਰਤਾਂ ਨੂੰ ਗਰਭ ਧਾਰਣ ਕਰਨ ਵਿੱਚ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ, ਉਹ ਆਈ ਵੀ ਐਫ (IVF) ਬਾਰੇ ਸੋਚ ਸਕਦੀਆਂ ਹਨ, ਕਿਉਂਕਿ ਇਹ ਸਮਾਂ ਅਜਿਹੇ ਇਲਾਜਾਂ ਲਈ ਬਹੁਤ ਅਨੁਕੂਲ ਹੈ।

ਵਿਸ਼ਾਖਾ ਨਕਸ਼ੱਤਰ

ਵਿਸ਼ਾਖਾ ਨਕਸ਼ੱਤਰ ਦਾ ਵਿਸਥਾਰ ਤੁਲਾ ਅਤੇ ਬ੍ਰਿਸ਼ਚਕ ਰਾਸ਼ੀਆਂ ਵਿੱਚ 20 ਅੰਸ਼ (ਤੁਲਾ) ਤੋਂ 3.20 ਅੰਸ਼ (ਬ੍ਰਿਸ਼ਚਕ) ਤੱਕ ਹੁੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਸਜਾਇਆ ਹੋਇਆ ਤੋਰਣ’ ਜਾਂ ‘ਘੁਮਾਰ ਦਾ ਪਹੀਆ’ ਹੈ ਅਤੇ ਇਸ ਨਕਸ਼ੱਤਰ ਦਾ ਦੇਵਤਾ ਇੰਦ੍ਰਾਗਨੀ ਹਨ, ਜੋ ਦੇਵਤਿਆਂ ਦੇ ਰਾਜਾ ਇੰਦਰ ਦੀ ਪਤਨੀ ਹੈ। ਵਿਸ਼ਾਖਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਬ੍ਰਹਸਪਤੀ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਹ ਸਾਲ ਤੁਹਾਡੇ ਲਈ ਮਿਲੇ-ਜੁਲੇ ਨਤੀਜੇ ਲਿਆਵੇਗਾ, ਪਰ ਇਸ ਦੌਰਾਨ ਪ੍ਰਾਪਤ ਹੋਣ ਵਾਲੇ ਅਨੁਭਵ ਤੁਹਾਨੂੰ ਪਰਿਪੱਕ ਬਣਨ ਅਤੇ ਅੱਗੇ ਵਧਣ ਵਿੱਚ ਮਦਦ ਕਰਨਗੇ। ਤੁਸੀਂ ਇੱਕ ਆਤਮਵਿਸ਼ਵਾਸੀ ਅਤੇ ਸਪਸ਼ਟ ਬੁਲਾਰੇ ਦੇ ਰੂਪ ਵਿੱਚ ਉੱਤਮ ਪ੍ਰਦਰਸ਼ਨ ਕਰੋਗੇ। ਇਸ ਸਮੇਂ ਦੇ ਦੌਰਾਨ, ਆਧਿਆਤਮਿਕ ਵਿੱਦਿਆ ਵਿੱਚ ਤੁਹਾਡੀ ਦਿਲਚਸਪੀ ਵਧੇਗੀ। ਤੁਹਾਡੇ ਛੋਟੇ ਭੈਣ-ਭਰਾ ਨਾਲ ਸਬੰਧ ਸੁਖਦ ਰਹਿਣਗੇ, ਅਤੇ ਤੁਹਾਨੂੰ ਆਪਣੇ ਪਿਤਾ ਅਤੇ ਗੁਰੂ ਤੋਂ ਸਮਰਥਨ ਮਿਲੇਗਾ। ਹਾਲਾਂਕਿ, ਤੁਹਾਡੀਆਂ ਆਪਣੇ ਪਿਤਾ ਨਾਲ ਕੁਝ ਅਸਹਿਮਤੀਆਂ ਹੋ ਸਕਦੀਆਂ ਹਨ, ਪਰ ਉਨ੍ਹਾਂ ਦੀ ਸਲਾਹ ਤੁਹਾਡੇ ਲਈ ਲਾਭਕਾਰੀ ਹੋਵੇਗੀ। ਵਿਦਿਆਰਥੀਆਂ ਲਈ ਇਹ ਸਾਲ ਸ਼ਾਨਦਾਰ ਰਹੇਗਾ। ਜੇਕਰ ਤੁਸੀਂ ਕਰੀਅਰ ਬਦਲਣ ਬਾਰੇ ਸੋਚ ਰਹੇ ਹੋ, ਤਾਂ ਇਹ ਸਮਾਂ ਬਿਲਕੁਲ ਠੀਕ ਹੈ।

ਅਨੁਰਾਧਾ ਨਕਸ਼ੱਤਰ

ਅਨੁਰਾਧਾ ਨਕਸ਼ੱਤਰ ਦਾ ਵਿਸਥਾਰ ਬ੍ਰਿਸ਼ਚਕ ਰਾਸ਼ੀ ਵਿੱਚ 3.20 ਅੰਸ਼ ਤੋਂ 16.40 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ‘ਕਮਲ ਦਾ ਫੁੱਲ’ ਹੈ। ਨਕਸ਼ੱਤਰ ਦੇ ਦੇਵਤਾ ਮਿੱਤਰ ਹਨ, ਜੋ ਕਿ ਮਿੱਤਰਤਾ ਅਤੇ ਸਹਿਯੋਗ ਦੇ ਦੇਵਤਾ ਮੰਨੇ ਜਾਂਦੇ ਹਨ। ਅਨੁਰਾਧਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਸ਼ਨੀ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਹ ਸਾਲ ਤੁਹਾਡੇ ਲਈ ਔਸਤ ਨਤੀਜੇ ਲਿਆ ਸਕਦਾ ਹੈ। ਖ਼ਾਸ ਕਰਕੇ ਸਾਲ ਦੇ ਦੂਜੇ ਭਾਗ ਵਿੱਚ ਤੁਹਾਨੂੰ ਜੀਵਨ ਦੇ ਵੱਖ-ਵੱਖ ਪਹਿਲੂਆਂ ਵਿੱਚ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪ੍ਰੇਮ ਜੀਵਨ ਵਿੱਚ ਵਿਛੋੜਾ ਮਹਿਸੂਸ ਹੋ ਸਕਦਾ ਹੈ, ਜਦ ਕਿ ਵਿੱਦਿਆ ਵਿੱਚ ਅਸਫਲਤਾਵਾਂ ਦਿਖਾਈ ਦੇ ਸਕਦੀਆਂ ਹਨ। ਇਸ ਨਕਸ਼ੱਤਰ ਦੇ ਬੱਚਿਆਂ ਨੂੰ ਜੇਕਰ ਉਹ ਗਲਤ ਵਿਵਹਾਰ ਕਰਦੇ ਹਨ, ਤਾਂ ਉਹਨਾਂ ਨੂੰ ਆਪਣੀ ਮਾਤਾ ਵੱਲੋਂ ਸਖਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਰੀਅਲ ਐਸਟੇਟ ਜਾਂ ਬ੍ਰੋਕਰੇਜ ਦੇ ਪੇਸ਼ੇਵਰਾਂ ਲਈ, ਇਹ ਸਾਲ ਵਿੱਤੀ ਲਾਭ ਦੇਣ ਵਾਲਾ ਸਿੱਧ ਹੋ ਸਕਦਾ ਹੈ। ਤੁਹਾਡੇ ਲਈ ਕਿਸੇ ਨਵੇਂ ਰਿਸ਼ਤੇ ਵਿੱਚ ਆਉਣਾ ਅਤੇ ਆਪਣੀ ਪੜ੍ਹਾਈ ਦੇ ਸਬੰਧ ਵਿੱਚ ਛੋਟੇ ਭੈਣ-ਭਰਾ ਜਾਂ ਚਚੇਰੇ ਭੈਣ-ਭਰਾ ਨਾਲ ਸਲਾਹ ਕਰਨਾ ਲਾਭਕਾਰੀ ਹੋਵੇਗਾ।

ਸ਼ਨੀ ਰਿਪੋਰਟ ਦੇ ਮਾਧਿਅਮ ਤੋਂ ਜਾਣੋ ਆਪਣੇ ਜੀਵਨ ਵਿੱਚ ਸ਼ਨੀ ਦਾ ਪ੍ਰਭਾਵ

ਜਯੇਸ਼ਠਾ ਨਕਸ਼ੱਤਰ

ਜਯੇਸ਼ਠਾ ਨਕਸ਼ੱਤਰ ਦਾ ਵਿਸਥਾਰ ਪੂਰੀ ਤਰ੍ਹਾਂ ਬ੍ਰਿਸ਼ਚਕ ਰਾਸ਼ੀ ਵਿੱਚ 16.40 ਅੰਸ਼ ਤੋਂ 30 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ਚਿੰਨ ‘ਕੁੰਡਲ ਜਾਂ ਛਤਰੀ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਇੰਦਰ ਦੇਵ ਹਨ, ਜੋ ਦੇਵਤਿਆਂ ਦੇ ਰਾਜਾ ਹਨ। ਜਯੇਸ਼ਠਾ ਨਕਸ਼ੱਤਰ ਦਾ ਸਵਾਮੀ ਗ੍ਰਹਿ ਬੁੱਧ ਹੈ।

ਨਕਸ਼ੱਤਰ ਰਾਸ਼ੀਫਲ ਦੇ ਅਨੁਸਾਰ, ਇਸ ਸਾਲ ਦੀ ਸ਼ੁਰੂਆਤ ਤੁਹਾਡੇ ਪਰਿਵਾਰ ਅਤੇ ਪਰਿਵਾਰਕ ਮੁੱਲਾਂ ’ਤੇ ਖਾਸ ਧਿਆਨ ਦੇਣ ਨਾਲ ਹੋਵੇਗੀ। ਤੁਸੀਂ ਆਪਣੀ ਬੱਚਤ ਅਤੇ ਬੈਂਕ-ਬੈਲੇਂਸ ਨੂੰ ਵਧਾਉਣ ’ਤੇ ਕੰਮ ਕਰੋਗੇ। ਇਸ ਸਮੇਂ ਦੇ ਦੌਰਾਨ, ਤੁਹਾਡੇ ਗੱਲਾਂ ਕਰਨ ਦੇ ਢੰਗ ਨਾਲ ਹਰ ਕੋਈ ਪ੍ਰਭਾਵਿਤ ਹੋਵੇਗਾ। ਮਾਰਚ ਅਤੇ ਅਪ੍ਰੈਲ ਵਿੱਚ, ਤੁਹਾਨੂੰ ਆਪਣੀ ਮਾਤਾ ਜੀ ਤੋਂ ਸਹਿਯੋਗ ਮਿਲੇਗਾ, ਜਿਸ ਨਾਲ ਤੁਹਾਡਾ ਨਿੱਜੀ ਜੀਵਨ ਬਿਹਤਰ ਹੋਵੇਗਾ ਅਤੇ ਉਹਨਾਂ ਨਾਲ ਤੁਹਾਡੇ ਰਿਸ਼ਤੇ ਮਜ਼ਬੂਤ ਹੋਣਗੇ। ਮਈ ਮਹੀਨਾ ਪ੍ਰਤੀਯੋਗਿਤਾ ਪ੍ਰੀਖਿਆ ਦੀ ਤਿਆਰੀ ਕਰਨ ਵਾਲੇ ਵਿਦਿਆਰਥੀਆਂ ਲਈ ਬਹੁਤ ਵਧੀਆ ਹੈ। ਜੂਨ ਅਤੇ ਜੁਲਾਈ ਵਿੱਚ, ਆਧਿਆਤਮਿਕ ਦੁਨੀਆਂ ਅਤੇ ਗੂੜ੍ਹ ਵਿਗਿਆਨ ਵਿੱਚ ਤੁਹਾਡੀ ਦਿਲਚਸਪੀ ਵਧੇਗੀ, ਜੋ ਤੁਹਾਡੇ ਲਈ ਲਾਭਕਾਰੀ ਸਾਬਤ ਹੋਵੇਗੀ। ਸਤੰਬਰ ਅਤੇ ਅਕਤੂਬਰ ਤੁਹਾਡੇ ਪੇਸ਼ੇਵਰ ਜੀਵਨ ਲਈ ਲਾਭਕਾਰੀ ਸਿੱਧ ਹੋਣਗੇ। ਇਸ ਲਈ ਤੁਹਾਡੇ ਕਰੀਅਰ ਨਾਲ ਸਬੰਧਤ ਮਹੱਤਵਪੂਰਣ ਫੈਸਲੇ ਲੈਣ ਦਾ ਇਹ ਸਹੀ ਸਮਾਂ ਹੈ। ਸਾਲ ਦੇ ਅੰਤ ਵਿੱਚ, ਆਪਣੀ ਸਿਹਤ ਅਤੇ ਕਲਿਆਣ ਦਾ ਖਿਆਲ ਰੱਖੋ, ਆਪਣੇ ਖਰਚਿਆਂ ’ਤੇ ਨਜ਼ਰ ਰੱਖੋ ਅਤੇ ਕਰਜ਼ਾ ਲੈਣ ਤੋਂ ਬਚੋ।

ਮੂਲ ਨਕਸ਼ੱਤਰ

ਮੂਲ ਨਕਸ਼ੱਤਰ ਦਾ ਵਿਸਥਾਰ ਧਨੂੰ ਰਾਸ਼ੀ ਵਿੱਚ 0 ਅੰਸ਼ ਤੋਂ 13.20 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ‘ਜੜਾਂ ਦਾ ਬੰਨਿਆ ਹੋਇਆ ਬੰਡਲ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਨਿਰਤੀ ਹਨ। ਮੂਲ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਕੇਤੂ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਸਾਲ ਦੀ ਸ਼ੁਰੂਆਤ ਤੁਹਾਡੇ ਪੇਸ਼ੇਵਰ ਜੀਵਨ ’ਤੇ ਖਾਸ ਧਿਆਨ ਦੇਣ ਨਾਲ ਹੋਵੇਗੀ। ਤੁਸੀਂ ਆਪਣੇ ਕੰਮ ਦੇ ਖੇਤਰ ਵਿੱਚ ਪੂਰੀ ਲਗਨ ਨਾਲ ਕੰਮ ਕਰੋਗੇ ਅਤੇ ਆਪਣੇ ਟੀਚਿਆਂ ਨੂੰ ਪ੍ਰਾਪਤ ਕਰਨ ਲਈ ਮਿਹਨਤ ਕਰੋਗੇ। ਇਸ ਦਾ ਨਤੀਜਾ ਇਹ ਹੋਵੇਗਾ ਕਿ ਤੁਹਾਨੂੰ ਪੇਸ਼ੇਵਰ ਲਾਭ ਮਿਲੇਗਾ ਅਤੇ ਵੱਖ-ਵੱਖ ਪ੍ਰੋਜੈਕਟ ਅਤੇ ਮੌਕੇ ਮਿਲਣਗੇ। ਹਾਲਾਂਕਿ, ਤੁਹਾਨੂੰ ਹੋਰ ਧਿਆਨ ਦੀ ਲੋੜ ਹੋਵੇਗੀ, ਕਿਉਂਕਿ ਕੇਤੂ ਨਿਰਾਸ਼ਾ ਨਾਲ ਜੁੜਿਆ ਹੈ ਅਤੇ ਇਸ ਦੇ ਨਤੀਜੇ ਵੱਜੋਂ, ਇਹਨਾਂ ਅਨੁਕੂਲ ਪਹਿਲੂਆਂ ਦੇ ਬਾਵਜੂਦ, ਤੁਸੀਂ ਦੇਖੋਗੇ ਕਿ ਤੁਸੀਂ ਆਪਣੇ ਕੰਮ ਤੋਂ ਪੂਰੀ ਤਰ੍ਹਾਂ ਸੰਤੁਸ਼ਟ ਨਹੀਂ ਹੋ। ਇਸ ਦੇ ਨਾਲ-ਨਾਲ, ਤੁਸੀਂ ਆਪਣੀ ਜਨਤਕ ਸ਼ਖਸੀਅਤ ਬਾਰੇ ਸੋਚ ਕੇ ਚਿੰਤਾ ਕਰ ਸਕਦੇ ਹੋ। ਸਾਲ ਦੇ ਦੂਜੇ ਅੱਧ ਵਿੱਚ, ਮਈ ਤੋਂ ਬਾਅਦ, ਤੁਹਾਡੇ ਕਾਰਜ ਸਥਾਨ ਵਿੱਚ ਬਦਲਾਅ ਹੋ ਸਕਦਾ ਹੈ ਜਾਂ ਤੁਸੀਂ ਆਧਿਆਤਮਿਕ ਵਿਕਾਸ ਲਈ ਆਪਣੇ ਕੰਮ ਤੋਂ ਸਮਾਂ ਕੱਢ ਸਕਦੇ ਹੋ।

ਪੂਰਵਾਸ਼ਾੜਾ ਨਕਸ਼ੱਤਰ

ਪੂਰਵਾਸ਼ਾੜਾ ਨਕਸ਼ੱਤਰ ਦਾ ਵਿਸਥਾਰ ਧਨੂੰ ਰਾਸ਼ੀ ਵਿੱਚ 13.20 ਅੰਸ਼ ਤੋਂ 26.40 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ‘ਹਾਥੀ ਦੰਦ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਪਾਣੀ ਦੇ ਹਿੰਦੂ ਦੇਵਤਾ ਅਪਸ ਹਨ। ਪੂਰਵਾਸ਼ਾੜਾ ਨਕਸ਼ੱਤਰ ’ਤੇ ਸ਼ੁੱਕਰ ਗ੍ਰਹਿ ਦਾ ਸ਼ਾਸਨ ਹੈ।

ਪੂਰਵਾਸ਼ਾੜਾ ਨਕਸ਼ੱਤਰ ਵਾਲੇ ਜਾਤਕਾਂ ਦੀ ਸਾਲ ਦੀ ਸ਼ੁਰੂਆਤ ਤੁਹਾਡੇ ਘਰ ਦੀਆਂ ਚੀਜ਼ਾਂ ’ਤੇ ਧਿਆਨ ਦੇਣ ਨਾਲ ਹੋਵੇਗੀ। ਸਾਲ ਦੇ ਪਹਿਲੇ ਹਿੱਸੇ ਵਿੱਚ, ਮਈ ਤੱਕ, ਤੁਸੀਂ ਘਰੇਲੂ ਜ਼ਿੰਮੇਵਾਰੀਆਂ ਨੂੰ ਨਿਭਾਓਗੇ, ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾਓਗੇ ਅਤੇ ਆਪਣੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨੂੰ ਆਪਣੇ ਘਰ ਬੁਲਾਓਗੇ। ਤੁਸੀਂ ਆਪਣੇ ਘਰ ਨੂੰ ਹੋਰ ਸ਼ਾਨਦਾਰ ਬਣਾਉਣ ’ਤੇ ਪੈਸਾ ਖਰਚ ਸਕਦੇ ਹੋ ਅਤੇ ਇਸ ਦੌਰਾਨ ਜਾਈਦਾਦ ਵੀ ਖਰੀਦ ਸਕਦੇ ਹੋ।

ਗਰਭਧਾਰਣ ਕਰਨ ਦੀ ਇੱਛਾ ਰੱਖਣ ਵਾਲੀਆਂ ਔਰਤਾਂ ਨੂੰ ਜੂਨ ਵਿੱਚ ਖੁਸ਼ਖਬਰੀ ਮਿਲ ਸਕਦੀ ਹੈ, ਇਸ ਲਈ ਇਸ ਸਮੇਂ ਦਾ ਪੂਰਾ ਫ਼ਾਇਦਾ ਲੈਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਜੁਲਾਈ ਤੁਹਾਡੇ ਲਈ ਪ੍ਰੀਖਿਆ ਦਾ ਸਮਾਂ ਹੋਵੇਗਾ। ਇਸ ਦੌਰਾਨ ਤੁਸੀਂ ਵਿਆਹ ਤੋਂ ਬਾਹਰ ਰਿਸ਼ਤਾ ਹੋਣ ਵਰਗੀਆਂ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋ ਸਕਦੇ ਹੋ, ਇਸ ਲਈ ਇਸ ਤਰ੍ਹਾਂ ਦੀਆਂ ਹਰਕਤਾਂ ਤੋਂ ਬਚਣਾ ਅਤੇ ਆਪਣੇ ਰਿਸ਼ਤਿਆਂ ਵਿੱਚ ਇਮਾਨਦਾਰੀ ਬਣਾ ਕੇ ਰੱਖਣਾ ਮਹੱਤਵਪੂਰਣ ਹੈ। ਸਾਵਧਾਨ ਰਹੋ, ਕਿਉਂਕਿ ਸਾਥੀਆਂ ਦੇ ਦੁਸ਼ਮਣ ਬਣ ਜਾਣ ਦਾ ਖਤਰਾ ਹੈ।

ਸਤੰਬਰ ਦਾ ਪਹਿਲਾ ਹਿੱਸਾ ਅਚਾਨਕ ਕੁਝ ਸਮੱਸਿਆਵਾਂ ਲਿਆ ਸਕਦਾ ਹੈ, ਪਰ ਮਹੀਨੇ ਦੇ ਦੂਜੇ ਹਿੱਸੇ ਵਿੱਚ ਤੁਹਾਨੂੰ ਕਿਸਮਤ ਦਾ ਸਾਥ ਮਿਲਣਾ ਸ਼ੁਰੂ ਹੋ ਜਾਵੇਗਾ। ਸਾਲ ਦਾ ਅੰਤ ਤੁਹਾਡੇ ਜੀਵਨ ਵਿੱਚ ਸਕਾਰਾਤਮਕ ਪੇਸ਼ੇਵਰ ਪਰਿਵਰਤਨ ਲਿਆ ਸਕਦਾ ਹੈ।

ਉੱਤਰਾਸ਼ਾੜਾ ਨਕਸ਼ੱਤਰ

ਉੱਤਰਾਸ਼ਾੜਾ ਨਕਸ਼ੱਤਰ ਦਾ ਵਿਸਥਾਰ ਧਨੂੰ ਅਤੇ ਮਕਰ ਰਾਸ਼ੀ ਵਿੱਚ 26.40 ਅੰਸ਼ (ਧਨੂੰ) ਤੋਂ 10 ਅੰਸ਼ (ਮਕਰ) ਤੱਕ ਹੈ। ਇਸ ਦਾ ਪ੍ਰਤੀਕ ‘ਹਾਥੀ ਦੰਦ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਵਿਸ਼ਵੇਦੇਵ ਹਨ। ਉੱਤਰਾਸ਼ਾੜਾ ਨਕਸ਼ੱਤਰ ’ਤੇ ਸੂਰਜ ਦੀ ਪ੍ਰਤੀਨਿਧਤਾ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਸਾਲ ਦੀ ਸ਼ੁਰੂਆਤ ਵਿੱਚ ਤੁਸੀਂ ਆਤਮ ਵਿਸ਼ਵਾਸ ਨਾਲ ਭਰੇ ਹੋਏ ਮਹਿਸੂਸ ਕਰੋਗੇ ਅਤੇ ਤੁਹਾਡੀ ਰੋਗ ਪ੍ਰਤੀਰੋਧਕ ਸ਼ਕਤੀ ਮਜ਼ਬੂਤ ਹੋਵੇਗੀ, ਜਿਸ ਕਾਰਨ ਤੁਹਾਡੀ ਸਿਹਤ ਬਿਹਤਰ ਹੋਵੇਗੀ। ਇਸ ਦੇ ਨਾਲ ਹੀ, ਤੁਹਾਡੀ ਸਥਿਤੀ ਅਤੇ ਇੱਜ਼ਤ ਵਿੱਚ ਵਾਧਾ ਹੋਵੇਗਾ ਅਤੇ ਹਰ ਕੋਈ ਤੁਹਾਡੀ ਅਗਵਾਈ ਅਤੇ ਫੈਸਲਾ ਲੈਣ ਦੀ ਸਮਰੱਥਾ ਤੋਂ ਪ੍ਰਭਾਵਿਤ ਹੋਵੇਗਾ। ਤੁਹਾਨੂੰ ਸਰਕਾਰੀ ਨੀਤੀਆਂ ਤੋਂ ਵੀ ਲਾਭ ਹੋਵੇਗਾ ਅਤੇ ਕਾਰਜ ਖੇਤਰ ਵਿੱਚ ਤਰੱਕੀ ਮਿਲੇਗੀ।

ਜੇਕਰ ਤੁਹਾਡਾ ਆਪਣਾ ਕਾਰੋਬਾਰ ਹੈ, ਤਾਂ ਤੁਹਾਨੂੰ ਜ਼ਰੂਰ ਸਫਲਤਾ ਮਿਲੇਗੀ, ਕਿਉਂਕਿ ਤੁਹਾਡੀਆਂ ਯੋਜਨਾਵਾਂ ਅਤੇ ਕੋਸ਼ਿਸ਼ਾਂ ਰੰਗ ਲਿਆਉਣਗੀਆਂ। ਹਾਲਾਂਕਿ, ਆਪਣੇ ਘਮੰਡ ਅਤੇ ਗੁੱਸੇ ਤੋਂ ਸਾਵਧਾਨ ਰਹੋ। ਫ਼ਰਵਰੀ ਅਤੇ ਮਾਰਚ ਵਿੱਚ, ਤੁਸੀਂ ਆਪਣੇ ਪਰਿਵਾਰ ਦੇ ਸਹਿਯੋਗ ਨਾਲ ਮਹੱਤਵਪੂਰਨ ਫੈਸਲੇ ਲੈ ਸਕੋਗੇ।

ਅਪ੍ਰੈਲ ਅਤੇ ਮਈ ਦੇ ਦੌਰਾਨ, ਤੁਹਾਡੇ ਘਰੇਲੂ ਜੀਵਨ ਵਿੱਚ ਕੁਝ ਚੁਣੌਤੀਆਂ ਆ ਸਕਦੀਆਂ ਹਨ। ਉੱਚ ਵਿੱਦਿਆ ਪ੍ਰਾਪਤ ਕਰਨ ਵਾਲੇ ਜਾਤਕਾਂ ਲਈ ਜੂਨ ਅਤੇ ਜੁਲਾਈ ਦਾ ਮਹੀਨਾ ਫਲਦਾਇਕ ਰਹੇਗਾ, ਕਿਉਂਕਿ ਤੁਹਾਡੇ ਕੋਲ ਇੱਕ ਸਪਸ਼ਟ ਦ੍ਰਿਸ਼ਟੀਕੋਣ ਹੋਵੇਗਾ। ਅਗਸਤ ਅਤੇ ਸਤੰਬਰ ਵਿੱਚ, ਆਪਣੇ ਸਾਥੀ ਦੀ ਸਿਹਤ ਦਾ ਧਿਆਨ ਰੱਖੋ। ਅਕਤੂਬਰ ਵਿੱਚ ਆਪਣੀ ਸਿਹਤ ’ਤੇ ਧਿਆਨ ਦਿਓ, ਕਿਉਂਕਿ ਤੁਹਾਨੂੰ ਸਿਹਤ ਸਬੰਧੀ ਕੁਝ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸਾਲ ਦਾ ਅੰਤ ਤੁਹਾਡੇ ਪੇਸ਼ੇਵਰ ਜੀਵਨ ਲਈ ਸਕਾਰਾਤਮਕ ਰਹੇਗਾ, ਜਿਸ ਵਿੱਚ ਨਵੇਂ ਮੌਕੇ ਮਿਲਣਗੇ

ਸ਼੍ਰਵਣ ਨਕਸ਼ੱਤਰ

ਸ਼੍ਰਵਣ ਨਕਸ਼ੱਤਰ ਦਾ ਵਿਸਥਾਰ ਮਕਰ ਰਾਸ਼ੀ ਵਿੱਚ 10.00 ਅੰਸ਼ ਤੋਂ 23.20 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ਚਿੰਨ ‘ਕੰਨ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਭਗਵਾਨ ਵਿਸ਼ਣੂੰ ਹਨ, ਜੋ ਰੱਖਵਾਲੇ ਹਨ। ਸ਼੍ਰਵਣ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਚੰਦਰਮਾ ਹੈ।

ਇਹ ਸਾਲ ਤੁਹਾਡੇ ਲਈ ਆਤਮਵਿਸ਼ਵਾਸ, ਊਰਜਾ ਅਤੇ ਚੰਗੀ ਸਿਹਤ ਨਾਲ ਸ਼ੁਰੂ ਹੋਵੇਗਾ। ਪ੍ਰਤੀਯੋਗਿਤਾ ਪ੍ਰੀਖਿਆਵਾਂ ਜਾਂ ਸਰਕਾਰੀ ਸੇਵਾ ਦੀ ਤਿਆਰੀ ਕਰਨ ਵਾਲੇ ਵਿਦਿਆਰਥੀਆਂ ਲਈ ਇਹ ਇੱਕ ਅਨੁਕੂਲ ਸਮਾਂ ਹੈ। ਜੂਨ ਅਤੇ ਜੁਲਾਈ ਦੇ ਮਹੀਨੇ ਤੁਹਾਡੇ ਘਰੇਲੂ ਜੀਵਨ ਲਈ ਫਲਦਾਇਕ ਰਹਿਣਗੇ, ਕਿਉਂਕਿ ਤੁਸੀਂ ਆਰਾਮ ਦਾ ਅਨੁਭਵ ਕਰੋਗੇ ਅਤੇ ਵੱਖ-ਵੱਖ ਸੁਵਿਧਾਵਾਂ ਦਾ ਆਨੰਦ ਲਓਗੇ।

ਤੁਸੀਂ ਆਪਣੇ ਨਿੱਜੀ ਜੀਵਨ ਵਿੱਚ, ਆਪਣੇ ਪਰਿਵਾਰ ਦਾ ਵਿਸਥਾਰ ਕਰ ਸਕਦੇ ਹੋ ਅਤੇ ਆਪਣੇ ਸਾਥੀ ਦੇ ਨਾਲ ਇੱਕ ਮਜ਼ਬੂਤ ਰਿਸ਼ਤਾ ਬਣਾਓਗੇ, ਜਿਸ ਨਾਲ ਤੁਹਾਡੇ ਰਿਸ਼ਤੇ ਮਧੁਰ ਹੋਣਗੇ। ਆਪਣੇ ਕਰੀਅਰ ਅਤੇ ਪੇਸ਼ੇਵਰ ਜੀਵਨ ਵਿੱਚ, ਇਸ ਨਕਸ਼ੱਤਰ ਦੇ ਜਾਤਕ ਆਪਣੇ-ਆਪਣੇ ਖੇਤਰਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕਰਨਗੇ ਅਤੇ ਆਪਣੀ ਕੁਸ਼ਲਤਾ ਦੇ ਜ਼ਰੀਏ ਸਫਲਤਾ ਪ੍ਰਾਪਤ ਕਰਨਗੇ।

ਆਨਲਾਈਨ ਸਾਫਟਵੇਅਰ ਤੋਂ ਮੁਫ਼ਤ ਜਨਮ ਕੁੰਡਲੀ ਪ੍ਰਾਪਤ ਕਰੋ

ਧਨਿਸ਼ਠਾ ਨਕਸ਼ੱਤਰ

ਧਨਿਸ਼ਠਾ ਨਕਸ਼ੱਤਰ ਦਾ ਵਿਸਥਾਰ ਮਕਰ ਅਤੇ ਕੁੰਭ ਰਾਸ਼ੀਆਂ ਵਿੱਚ 23.20 ਅੰਸ਼ (ਮਕਰ) ਤੋਂ 6.40 ਅੰਸ਼ (ਕੁੰਭ) ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ ‘ਡ੍ਰੱਮ’ (ਡਮਰੂ) ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ‘ਆਠ ਵਸੁ’ ਹਨ। ਧਨਿਸ਼ਠਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਮੰਗਲ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਪ੍ਰਤੀਯੋਗਿਤਾ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਰਹੇ ਵਿਦਿਆਰਥੀਆਂ ਨੂੰ ਸਾਲ ਦੀ ਸ਼ੁਰੂਆਤ ਤੋਂ ਹੀ ਬਹੁਤ ਲਾਭ ਹੋਵੇਗਾ। ਤੁਸੀਂ ਮੁਕਾਬਲਿਆਂ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰੋਗੇ। ਹਾਲਾਂਕਿ, ਲਾਪਰਵਾਹ ਹੋਣ ਤੋਂ ਬਚੋ, ਕਿਉਂਕਿ ਇਸ ਨਾਲ ਬੇਕਾਰ ਦੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਆਮ ਤੌਰ ’ਤੇ, ਇੰਜੀਨੀਅਰਿੰਗ ਅਤੇ ਤਕਨੀਕੀ ਖੇਤਰਾਂ ਦੇ ਵਿਦਿਆਰਥੀਆਂ ਦੇ ਨਾਲ-ਨਾਲ ਸਾਰੇ ਵਿਦਿਆਰਥੀਆਂ ਵਿੱਚ ਹੀ ਨਵੀਂ ਊਰਜਾ ਦਾ ਸੰਚਾਰ ਹੋਵੇਗਾ ਅਤੇ ਉਹ ਆਪਣੀ ਪੜ੍ਹਾਈ ’ਤੇ ਪੂਰੀ ਤਰ੍ਹਾਂ ਧਿਆਨ ਕੇਂਦ੍ਰਿਤ ਕਰ ਸਕਣਗੇ।

ਸਿਹਤ ਦੇ ਮਾਮਲੇ ਵਿੱਚ ਤੁਹਾਡੀ ਰੋਗ ਪ੍ਰਤੀਰੋਧਕ ਸ਼ਕਤੀ ਅਤੇ ਸਿਹਤ ਚੰਗੀ ਰਹੇਗੀ। ਅਪ੍ਰੈਲ ਤੋਂ ਜੁਲਾਈ ਦੇ ਮਹੀਨੇ ਵਿੱਚ ਤੁਹਾਡੇ ਸ਼ਾਦੀਸ਼ੁਦਾ ਜੀਵਨ ਵਿੱਚ ਚੁਣੌਤੀਆਂ ਆ ਸਕਦੀਆਂ ਹਨ। ਆਪਣੇ ਸਾਥੀ ਅਤੇ ਆਪਣੀ ਸਿਹਤ ਦੇ ਪ੍ਰਤੀ ਸੁਚੇਤ ਰਹੋ। ਨਾਲ ਹੀ, ਵਾਹਨ ਚਲਾਉਂਦੇ ਸਮੇਂ ਸਾਵਧਾਨ ਰਹੋ। ਸਾਲ ਦੇ ਅੰਤ ਵਿੱਚ ਚੀਜ਼ਾਂ ਬਿਹਤਰ ਹੋਣਗੀਆਂ।

ਇਸ ਦੌਰਾਨ, ਤੁਸੀਂ ਆਪਣੇ ਸਾਥੀ ਅਤੇ ਪਰਿਵਾਰ ਦੇ ਨਾਲ ਤੀਰਥ ਯਾਤਰਾ ’ਤੇ ਜਾ ਸਕਦੇ ਹੋ ਜਾਂ ਘਰ ਵਿੱਚ ਹੀ ਹਵਨ ਜਾਂ ਸੱਤਿਆ-ਨਰਾਇਣ ਦੀ ਪੂਜਾ ਵਰਗੇ ਧਾਰਮਿਕ ਕਾਰਜ ਕਰਵਾ ਸਕਦੇ ਹੋ, ਕਿਉਂਕਿ ਤੁਹਾਡਾ ਝੁਕਾਅ ਆਧਿਆਤਮਿਕ ਗਤਿਵਿਧੀਆਂ ਵੱਲ ਜ਼ਿਆਦਾ ਹੋਵੇਗਾ।

ਇਸ ਦੌਰਾਨ, ਕਾਰਜ ਸਥਾਨ ’ਤੇ ਤੁਸੀਂ ਊਰਜਾਵਾਨ ਰਹੋਗੇ ਅਤੇ ਆਪਣੇ ਕੰਮ ਨੂੰ ਪੂਰਾ ਕਰਨ ਲਈ ਤਿਆਰ ਰਹੋਗੇ। ਤੁਹਾਡੇ ਦੁਆਰਾ ਕੀਤੇ ਗਏ ਕੰਮ ਅਤੇ ਮਿਹਨਤ ਲਈ ਤੁਹਾਡੇ ਸੀਨੀਅਰ ਤੁਹਾਡੀ ਪ੍ਰਸ਼ੰਸਾ ਕਰਨਗੇ, ਜਿਸ ਨਾਲ ਤੁਹਾਨੂੰ ਨਵੀਆਂ ਜ਼ਿੰਮੇਵਾਰੀਆਂ ਅਤੇ ਮੌਕੇ ਮਿਲਣਗੇ। ਇਸ ਦੌਰਾਨ, ਤੁਹਾਡਾ ਮਾਣ ਅਤੇ ਪਹਿਚਾਣ ਵਧਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ, ਜਿਨ੍ਹਾਂ ਜਾਤਕਾਂ ਦਾ ਆਪਣਾ ਵਪਾਰ ਹੈ, ਉਹ ਵਧੇਰੇ ਲਾਭ ਪ੍ਰਾਪਤ ਕਰਨਗੇ ਅਤੇ ਵਪਾਰ ਵਿੱਚ ਵਿਸਥਾਰ ਕਰਨਗੇ।

ਸ਼ਤਭਿਸ਼ਾ ਨਕਸ਼ੱਤਰ

ਸ਼ਤਭਿਸ਼ਾ ਨਕਸ਼ੱਤਰ ਦਾ ਵਿਸਥਾਰ ਕੁੰਭ ਰਾਸ਼ੀ ਵਿੱਚ 6.40 ਅੰਸ਼ ਤੋਂ 20.00 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ਚਿੰਨ ‘ਸਰਕਲ ਜਾਂ 100 ਚਿਕਿਤਸਕ, ਤਾਰੇ ਜਾਂ ਫੁੱਲ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਵਰੁਣ ਹਨ, ਜੋ ਮਹਾਂਸਾਗਰਾਂ ਦੇ ਦੇਵਤਾ ਹਨ। ਸ਼ਤਭਿਸ਼ਾ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਰਾਹੂ ਹੈ।

ਸ਼ਤਭਿਸ਼ਾ ਜਾਤਕਾਂ ਦੇ ਲਈ ਇਹ ਸਾਲ ਬਹੁਤ ਅਨੁਕੂਲ ਰਹੇਗਾ ਅਤੇ ਤੁਹਾਡੇ ਵਿਅਕਤਿੱਤਵ ਵਿੱਚ ਮਹੱਤਵਪੂਰਣ ਬਦਲਾਅ ਆਉਣਗੇ। ਤੁਸੀਂ ਇਸ ਸਮੇਂ ਵਿੱਚ ਜ਼ਿਆਦਾ ਮਿਹਨਤ ਕਰੋਗੇ। ਇਹ ਸਾਲ ਤੁਹਾਡੇ ਅੰਦਰ ਕੁਝ ਨਵਾਂ ਸ਼ੁਰੂ ਕਰਨ ਅਤੇ ਭੀੜ ਤੋਂ ਅਲੱਗ ਦਿਖਣ ਦੀ ਇੱਛਾ ਵਧਾਏਗਾ। ਤੁਸੀਂ ਆਪਣੀ ਵਿਲੱਖਣ ਪ੍ਰਤਿਭਾ ਅਤੇ ਯੋਗਤਾਵਾਂ ਲਈ ਪ੍ਰਸਿੱਧੀ ਪ੍ਰਾਪਤ ਕਰੋਗੇ। ਜੇਕਰ ਤੁਸੀਂ ਪੜ੍ਹਾਈ, ਘਰ ਖਰੀਦਣ ਜਾਂ ਵਪਾਰ ਦਾ ਵਿਸਥਾਰ ਕਰਨ ਵਰਗੇ ਉਦੇਸ਼ਾਂ ਲਈ ਕਰਜ਼ਾ ਲੈਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਇਸ ਸਾਲ ਇਹ ਮਿਲਣ ਦੀ ਸੰਭਾਵਨਾ ਹੈ।

ਹਾਲਾਂਕਿ, ਕੁਝ ਨਕਾਰਾਤਮਕ ਆਦਤਾਂ ਜਾਂ ਸਮੱਸਿਆਵਾਂ ਤੋਂ ਸਾਵਧਾਨ ਰਹੋ, ਜੋ ਅੱਗੇ ਜਾ ਕੇ ਪੈਦਾ ਹੋ ਸਕਦੀਆਂ ਹਨ। ਤੁਹਾਡੇ ਅੰਦਰ ਆਪਣੀਆਂ ਇੱਛਾਵਾਂ ਦੇ ਕਾਰਨ ਵੱਧ ਖਰਚ ਕਰਨ ਦੀ ਆਦਤ ਵਿਕਸਤ ਹੋ ਸਕਦੀ ਹੈ, ਜੋ ਆਰਥਿਕ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਲੰਬੇ ਸਮੇਂ ਲਈ ਭਾਰੀ ਕਰਜ਼ਾ ਲੈਣਾ ਫਾਇਦਮੰਦ ਨਹੀਂ ਹੋ ਸਕਦਾ।

ਪੂਰਵਾਭਾਦ੍ਰਪਦ ਨਕਸ਼ੱਤਰ

ਨਕਸ਼ੱਤਰ ਮੰਡਲ ਵਿੱਚ ਪੂਰਵਾਭਾਦ੍ਰਪਦ ਨਕਸ਼ੱਤਰ ਦਾ ਵਿਸਥਾਰ ਕੁੰਭ ਅਤੇ ਮੀਨ ਰਾਸ਼ੀ ਵਿੱਚ 20.00 ਅੰਸ਼ (ਕੁੰਭ) ਤੋਂ 3.20 ਅੰਸ਼ (ਮੀਨ) ਤੱਕ ਰਹਿੰਦਾ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਦੋ ਚਿਹਰਿਆਂ ਵਾਲਾ ਆਦਮੀ ਜਾਂ ਅੰਤਿਮ ਸੰਸਕਾਰ ਦੀ ਖਾਟ (ਅਰਥੀ) ਦੇ ਸਾਹਮਣੇ ਦੋ ਪੈਰ’ ਹੈ ਅਤੇ ਨਕਸ਼ੱਤਰ ਦਾ ਦੇਵਤਾ ਅਜਏਕਪਾਦ ਹੈ। ਪੂਰਵਾਭਾਦ੍ਰਪਦ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਬ੍ਰਹਸਪਤੀ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਸ ਸਾਲ ਤੁਹਾਡੇ ਅੰਦਰ ਭਰਪੂਰ ਆਤਮ ਵਿਸ਼ਵਾਸ ਹੋਵੇਗਾ ਅਤੇ ਤੁਹਾਡੀਆਂ ਇੱਛਾਵਾਂ ਪੂਰੀਆਂ ਹੋਣਗੀਆਂ। ਤੁਸੀਂ ਆਪਣੇ ਬੱਚਿਆਂ ਦੀ ਪੜ੍ਹਾਈ, ਪ੍ਰੇਮ ਜੀਵਨ, ਬੱਚੇ ਦੇ ਜਨਮ ਅਤੇ ਹੋਰ ਬੱਚਿਆਂ ਨਾਲ ਸਬੰਧਤ ਗਤਿਵਿਧੀਆਂ ’ਤੇ ਕਾਫੀ ਪੈਸਾ ਖਰਚ ਕਰੋਗੇ। ਇਹ ਸਮਾਂ ਵਿਦਿਆਰਥੀਆਂ ਲਈ ਵੀ ਅਨੁਕੂਲ ਹੈ। ਇਸ ਨਕਸ਼ੱਤਰ ਵਾਲੀਆਂ ਮਾਤਾਵਾਂ ਨੂੰ ਆਪਣੇ ਬੱਚਿਆਂ ਦੇ ਪਾਲਣ-ਪੋਸ਼ਣ ਵਿੱਚ ਪਰਿਵਾਰ ਦਾ ਸਹਿਯੋਗ ਮਿਲੇਗਾ। ਸੱਟੇਬਾਜ਼ੀ ਅਤੇ ਸ਼ੇਅਰ ਮਾਰਕੀਟ ਨਾਲ ਜੁੜੇ ਲੋਕਾਂ ਨੂੰ ਸਾਵਧਾਨੀ ਨਾਲ ਅੱਗੇ ਵੱਧਣਾ ਚਾਹੀਦਾ ਹੈ।

19 ਅਕਤੂਬਰ, 2025 ਤੋਂ 4 ਦਸੰਬਰ, 2025 ਤੱਕ ਦੀ ਅਵਧੀ ਤੁਹਾਡੇ ਲਈ ਖਾਸ ਤੌਰ ‘ਤੇ ਮਹੱਤਵਪੂਰਣ ਰਹੇਗੀ। ਕਿਸੇ ‘ਤੇ ਭਰੋਸਾ ਕਰਦੇ ਸਮੇਂ ਸਾਵਧਾਨ ਰਹੋ, ਕਿਉਂਕਿ ਜੋ ਵਿਅਕਤੀ ਤੁਹਾਡੇ ਮਿੱਤਰ ਜਾਂ ਸ਼ੁਭਚਿੰਤਕ ਲਗਦੇ ਹਨ, ਉਹ ਹਕੀਕਤ ਵਿੱਚ ਤੁਹਾਡੇ ਵਿਰੋਧੀ ਹੋ ਸਕਦੇ ਹਨ। ਨੌਕਰੀਪੇਸ਼ਾ ਲੋਕਾਂ ਨੂੰ ਇਸ ਦੌਰਾਨ ਜ਼ਿਆਦਾ ਕੋਸ਼ਿਸ਼ਾਂ ਕਰਨ ਦੀ ਲੋੜ ਹੋ ਸਕਦੀ ਹੈ। ਸਕਾਰਾਤਮਕ ਤੌਰ ’ਤੇ, ਇਹ ਸਮਾਂ ਅਦਾਲਤੀ ਕਾਰਵਾਈਆਂ ਅਤੇ ਕਾਨੂੰਨੀ ਮਾਮਲਿਆਂ ਲਈ ਅਨੁਕੂਲ ਹੈ। ਕੁੱਲ ਮਿਲਾ ਕੇ, ਇਹ ਸਾਲ ਨਿੱਜੀ ਵਿਕਾਸ, ਵਿੱਤ ਵਿਕਾਸ ਅਤੇ ਆਧਿਆਤਮਿਕ ਵਿਕਾਸ ਦੇ ਲਈ ਲਾਭਕਾਰੀ ਰਹਿਣ ਦਾ ਵਾਅਦਾ ਕਰਦਾ ਹੈ।

ਉੱਤਰਾਭਾਦ੍ਰਪਦ ਨਕਸ਼ੱਤਰ

ਉੱਤਰਾਭਾਦ੍ਰਪਦ ਨਕਸ਼ੱਤਰ ਦਾ ਵਿਸਥਾਰ ਮੀਨ ਰਾਸ਼ੀ ਵਿੱਚ 3.20 ਅੰਸ਼ ਤੋਂ 16.40 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਅੰਤਿਮ ਸੰਸਕਾਰ ਦੀ ਖਾਟ ਦੇ ਪਿਛਲੇ ਪੈਰ ਜਾਂ ਦੋ ਚਿਹਰਿਆਂ ਵਾਲਾ ਆਦਮੀ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਅਹਿਰਬੁਧਨਯ ਹਨ, ਜੋ ਗਹਿਰੇ ਪਾਣੀਆਂ ਵਿੱਚ ਰਹਿਣ ਵਾਲੇ ਨਾਗ ਹਨ। ਉੱਤਰਾਭਾਦ੍ਰਪਦ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਸ਼ਨੀ ਹੈ।

ਨਕਸ਼ੱਤਰ ਰਾਸ਼ੀਫਲ 2025 ਦੇ ਅਨੁਸਾਰ, ਇਸ ਸਾਲ ਤੁਹਾਨੂੰ ਕੁਝ ਚੁਣੌਤੀਪੂਰਨ ਸਮੇਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਜੋ ਤੁਹਾਨੂੰ ਆਪਣੀ ਸਿਹਤ ਦੇ ਪ੍ਰਤੀ ਜ਼ਿਆਦਾ ਸੋਚਣ ਲਈ ਪ੍ਰੇਰਿਤ ਕਰੇਗਾ। ਜੇਕਰ ਤੁਸੀਂ ਆਪਣੀ ਸਿਹਤ ਨੂੰ ਅਣਡਿੱਠਾ ਕਰਦੇ ਹੋ, ਤਾਂ ਤੁਹਾਨੂੰ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਸਾਲ, ਖਾਣ-ਪੀਣ ਵਿੱਚ ਕੀਤੀ ਗਈ ਲਾਪਰਵਾਹੀ ਦੇ ਨਤੀਜੇ ਤੁਹਾਡੇ ਸਰੀਰ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ, ਜਿਸ ਨਾਲ ਤੁਹਾਡੀ ਊਰਜਾ ਘਟਣ ਦੀ ਸੰਭਾਵਨਾ ਹੈ।

ਹਾਲਾਂਕਿ, ਇਹ ਸਾਲ ਤੁਹਾਨੂੰ ਇੱਕ ਸਥਿਰਤਾ ਪ੍ਰਦਾਨ ਕਰੇਗਾ ਅਤੇ ਤੁਹਾਨੂੰ ਹੋਰ ਜ਼ਿਆਦਾ ਵਿਵਹਾਰਕ, ਚਤੁਰ ਅਤੇ ਸਮਝਦਾਰ ਬਣਾਵੇਗਾ, ਜਿਸ ਨਾਲ ਤੁਸੀਂ ਆਪਣੇ ਅਨੁਭਵਾਂ ਤੋਂ ਸਿੱਖ ਸਕੋਗੇ। ਤੁਹਾਡੀ ਦਿਲਚਸਪੀ ਅਧਿਆਤਮਿਕਤਾ, ਕਿਤਾਬਾਂ ਪੜ੍ਹਨ ਅਤੇ ਇਕੱਲੇ ਸਮਾਂ ਬਿਤਾਉਣ ਵਿੱਚ ਜ਼ਿਆਦਾ ਹੋ ਸਕਦੀ ਹੈ।

ਇਸ ਦੌਰਾਨ ਸੰਚਾਰ ਸਬੰਧੀ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ, ਜਿਸ ਨਾਲ ਆਪਣੇ ਵਿਚਾਰ ਦੂਜਿਆਂ ਤੱਕ ਪਹੁੰਚਾਉਣਾ ਚੁਣੌਤੀਪੂਰਣ ਹੋਵੇਗਾ। ਤੁਸੀਂ ਆਪਣੇ ਸ਼ਾਦੀਸ਼ੁਦਾ ਜੀਵਨ ਵਿੱਚ ਲੋੜੀਂਦੇ ਸਮਝੌਤੇ ਕਰਨਾ ਵੀ ਸਿੱਖੋਗੇ। ਇਸ ਤੋਂ ਇਲਾਵਾ, ਇਹ ਸਾਲ ਤੁਹਾਨੂੰ ਨਵੀਆਂ ਸਾਂਝਾਂ (ਭਾਵੇਂ ਉਹ ਨਿੱਜੀ ਹੋਣ ਜਾਂ ਪੇਸ਼ੇਵਰ) ਬਣਾਉਣ ਦੇ ਮੌਕੇ ਪ੍ਰਦਾਨ ਕਰੇਗਾ।

ਇਹ ਅਵਧੀ ਵਿੱਤੀ ਜੀਵਨ ਵਿੱਚ ਲਾਭ ਪ੍ਰਾਪਤ ਕਰਨ ਅਤੇ ਇੱਛਾਵਾਂ ਨੂੰ ਪੂਰਾ ਕਰਨ ਲਈ ਵੀ ਚੰਗੀ ਸਿੱਧ ਹੋਵੇਗੀ। ਕੁੱਲ ਮਿਲਾ ਕੇ, ਇਹ ਸਾਲ ਤੁਹਾਡੇ ਨਿੱਜੀ ਵਿਕਾਸ ਵਿੱਚ ਇੱਕ ਮਹੱਤਵਪੂਰਣ ਮੋੜ ਸਿੱਧ ਹੋਵੇਗਾ।

ਰੇਵਤੀ ਨਕਸ਼ੱਤਰ

ਰੇਵਤੀ ਨਕਸ਼ੱਤਰ ਦਾ ਵਿਸਥਾਰ ਮੀਨ ਰਾਸ਼ੀ ਵਿੱਚ 16.40 ਅੰਸ਼ ਤੋਂ 30 ਅੰਸ਼ ਤੱਕ ਹੈ। ਇਸ ਦਾ ਪ੍ਰਤੀਕ ਚਿੰਨ੍ਹ ‘ਢੋਲ’ ਹੈ ਅਤੇ ਨਕਸ਼ੱਤਰ ਦੇ ਦੇਵਤਾ ਪੂਸ਼ਣ ਹਨ, ਜੋ ਮਿਲਨ ਦੇ ਦੇਵਤਾ ਹਨ। ਰੇਵਤੀ ਨਕਸ਼ੱਤਰ ਦਾ ਸੁਆਮੀ ਗ੍ਰਹਿ ਬੁੱਧ ਹੈ।

ਤੁਸੀਂ ਆਪਣੇ ਪੇਸ਼ੇਵਰ ਜੀਵਨ ‘ਤੇ ਪੂਰੀ ਤਰ੍ਹਾਂ ਧਿਆਨ ਕੇਂਦ੍ਰਿਤ ਕਰੋਗੇ, ਜਿਸ ਦੇ ਨਤੀਜੇ ਵਜੋਂ ਤੁਹਾਨੂੰ ਪ੍ਰਸਿੱਧੀ ਅਤੇ ਮਾਣ ਪ੍ਰਾਪਤ ਹੋਵੇਗਾ। ਇਸ ਅਵਧੀ ਦੇ ਦੌਰਾਨ ਤੁਹਾਡਾ ਕਾਰੋਬਾਰ ਵਧੇਗਾ। ਤੁਹਾਨੂੰ ਨਵੇਂ ਮੌਕੇ ਮਿਲਣਗੇ ਅਤੇ ਅਚਾਨਕ ਵਿੱਤੀ ਲਾਭ ਵੀ ਪ੍ਰਾਪਤ ਹੋਵੇਗਾ। ਇਸ ਸਮੇਂ ਦੇ ਦੌਰਾਨ, ਤੁਹਾਨੂੰ ਆਪਣੇ ਕਰੀਅਰ ਅਤੇ ਕਾਰੋਬਾਰ ਵਿੱਚ ਕੀਤੀ ਗਈ ਮਿਹਨਤ ਅਤੇ ਕੋਸ਼ਿਸ਼ਾਂ ਦੇ ਚੰਗੇ ਨਤੀਜੇ ਮਿਲਣਗੇ।

ਨਕਸ਼ੱਤਰ ਰਾਸ਼ੀਫਲ 2025 ਤੋਂ ਪਤਾ ਲੱਗਦਾ ਹੈ ਕਿ ਫਰਵਰੀ ਦੇ ਮੱਧ ਤੋਂ ਫਰਵਰੀ ਦੇ ਅੰਤ ਤੱਕ ਚੀਜ਼ਾਂ ਚੁਣੌਤੀਪੂਰਣ ਹੋ ਸਕਦੀਆਂ ਹਨ, ਜਿਸ ਵਿੱਚ ਖਰਚਿਆਂ ਜਾਂ ਘਾਟੇ ਵਿੱਚ ਵਾਧਾ ਹੋ ਸਕਦਾ ਹੈ। ਇਸ ਦੌਰਾਨ ਤੁਹਾਨੂੰ ਆਪਣੀ ਸਿਹਤ ‘ਤੇ ਵੀ ਧਿਆਨ ਦੇਣਾ ਚਾਹੀਦਾ ਹੈ। ਮਾਰਚ ਅਤੇ ਅਪ੍ਰੈਲ ਦੇ ਮਹੀਨੇ ਤੁਹਾਡੇ ਜੀਵਨ ਦੇ ਸਾਰੇ ਪਹਿਲੂਆਂ, ਭਾਵੇਂ ਉਹ ਪੇਸ਼ੇਵਰ ਹੋਣ ਜਾਂ ਨਿੱਜੀ, ਲਈ ਰਾਹਤ ਅਤੇ ਅਨੁਕੂਲ ਹਾਲਾਤ ਲੈ ਕੇ ਆਉਣਗੇ। ਮਈ ਦਾ ਮਹੀਨਾ ਵਿੱਤ ਸਬੰਧੀ ਕੰਮ ਕਰਨ ਵਾਲੇ ਲੋਕਾਂ ਲਈ ਬਹੁਤ ਹੀ ਸ਼ਾਨਦਾਰ ਸਾਬਤ ਹੋਵੇਗਾ, ਕਿਉਂਕਿ ਤੁਸੀਂ ਕਈ ਰਚਨਾਤਮਕ ਵਿਚਾਰ ਵਿਕਸਿਤ ਕਰੋਗੇ ਅਤੇ ਆਪਣੇ ਪਿਆਰੇ ਲੋਕਾਂ ਤੋਂ ਸਹਾਇਤਾ ਪ੍ਰਾਪਤ ਕਰੋਗੇ।

ਜੂਨ ਅਤੇ ਜੁਲਾਈ ਮਹੀਨੇ ਘਰੇਲੂ ਜੀਵਨ ਦਾ ਆਨੰਦ ਲੈਣ ਅਤੇ ਆਪਣੇ ਪਰਿਵਾਰ ਦੇ ਨਾਲ ਗੁਣਵੱਤਾ ਵਾਲਾ ਸਮਾਂ ਬਿਤਾਉਣ ਲਈ ਵਧੀਆ ਮਹੀਨੇ ਹਨ। ਇਹ ਸਮਾਂ ਕਾਰ ਜਾਂ ਸੰਪੱਤੀ ਖਰੀਦਣ ਲਈ ਵੀ ਅਨੁਕੂਲ ਹੈ। ਹਾਲਾਂਕਿ, ਸਤੰਬਰ ਵਿੱਚ ਤੁਹਾਨੂੰ ਸਿਹਤ ਸਬੰਧੀ ਕੁਝ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਇਸ ਲਈ ਤੁਹਾਨੂੰ ਆਪਣੀ ਸਿਹਤ ਦਾ ਖਿਆਲ ਰੱਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਸਤੰਬਰ ਦੇ ਮੱਧ ਤੋਂ ਬਾਅਦ ਚੀਜ਼ਾਂ ਬਿਹਤਰ ਹੋਣ ਲੱਗ ਜਾਣਗੀਆਂ। ਸਤੰਬਰ ਅਤੇ ਅਕਤੂਬਰ ਤੁਹਾਡੇ ਸ਼ਾਦੀਸ਼ੁਦਾ ਜੀਵਨ ਲਈ ਖਾਸ ਤੌਰ ’ਤੇ ਅਨੁਕੂਲ ਰਹਿਣਗੇ। ਤੁਹਾਨੂੰ ਰੋਮਾਂਟਿਕ ਰਿਸ਼ਤੇ ਨੂੰ ਵਿਆਹ ਵਿੱਚ ਬਦਲਣ ਦਾ ਮੌਕਾ ਮਿਲੇਗਾ। ਕੁਆਰੇ ਜਾਤਕਾਂ ਨੂੰ ਕੋਈ ਮਨਪਸੰਦ ਸਾਥੀ ਮਿਲ ਸਕਦਾ ਹੈ, ਜੋ ਉਮਰ ਵਿੱਚ ਛੋਟਾ ਹੋਵੇਗਾ। ਸ਼ਾਦੀਸ਼ੁਦਾ ਲੋਕਾਂ ਨੂੰ ਆਪਣੇ ਜੀਵਨ ਸਾਥੀ ਦੇ ਨਾਲ ਚੰਗਾ ਸਮਾਂ ਬਿਤਾਉਣ ਦਾ ਮੌਕਾ ਮਿਲੇਗਾ।

ਇਸ ਤੋਂ ਇਲਾਵਾ, ਇਹ ਸਮਾਂ ਕਾਰੋਬਾਰੀ ਸਾਂਝੇਦਾਰੀ ਕਰਦੇ ਲੋਕਾਂ ਲਈ ਵਧੀਆ ਹੈ। ਹਾਲਾਂਕਿ, ਤੁਹਾਨੂੰ ਨਕਾਰਾਤਮਕ ਪ੍ਰਭਾਵਾਂ ਤੋਂ ਬਚਣ ਲਈ ਸਾਵਧਾਨ ਰਹਿਣ ਦੀ ਲੋੜ ਹੋਵੇਗੀ। ਸਾਲ ਦੇ ਅੰਤ ਵਿੱਚ, ਅਚਾਨਕ ਹੋਣ ਵਾਲ਼ੀਆਂ ਘਟਨਾਵਾਂ ਦੇ ਕਾਰਨ ਤੁਹਾਨੂੰ ਕੁਝ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਇਸ ਲਈ ਇਸ ਸਮੇਂ ਦੇ ਦੌਰਾਨ ਸਾਵਧਾਨ ਰਹੋ।

ਸਾਰੇ ਜੋਤਿਸ਼ ਉਪਾਵਾਂ ਦੇ ਲਈ ਕਲਿੱਕ ਕਰੋ: ਐਸਟ੍ਰੋਸੇਜ ਆਨਲਾਈਨ ਸ਼ਾਪਿੰਗ ਸਟੋਰ

ਅਸੀਂ ਉਮੀਦ ਕਰਦੇ ਹਾਂ ਕਿ ਸਾਲ 2025 ਤੁਹਾਡੇ ਜੀਵਨ ਵਿੱਚ ਖੁਸ਼ਹਾਲੀ ਅਤੇ ਤਰੱਕੀ ਲੈ ਕੇ ਆਵੇਗਾ ਅਤੇ ਤੁਸੀਂ ਜੀਵਨ ਵਿੱਚ ਹਮੇਸ਼ਾ ਸਫਲਤਾ ਵੱਲ ਵਧਦੇ ਰਹੋਗੇ। ਤੁਹਾਨੂੰ ਸਾਡਾ ਇਹ ਲੇਖ ਜ਼ਰੂਰ ਪਸੰਦ ਆਇਆ ਹੋਵੇਗਾ। ਜੇਕਰ ਅਜਿਹਾ ਹੈ ਤਾਂ ਤੁਸੀਂ ਇਸ ਨੂੰ ਆਪਣੇ ਬਾਕੀ ਸ਼ੁਭਚਿੰਤਕਾਂ ਨਾਲ਼ ਜ਼ਰੂਰ ਸਾਂਝਾ ਕਰੋ। ਸਾਡੀ ਵੈੱਬਸਾਈਟ ‘ਤੇ ਵਿਜ਼ਿਟ ਕਰਨ ਦੇ ਲਈ ਤੁਹਾਡਾ ਬਹੁਤ-ਬਹੁਤ ਧੰਨਵਾਦ!